రాంచరణ్‌తో అనసూయ..: రంగస్థలం సెట్స్‌లో వీరిద్దరూ ఇలా!.. అద్భుతమట..

అనసూయ సెల్ఫీ:

'రంగస్థలం సినిమాలో ఓ అద్భుత సన్నివేశాన్ని చిత్రీకరించిన తర్వాత దిగిన సెల్ఫీ ఇది'.. అంటూ అనసూయ తన సోషల్ మీడియా ఖాతాలో రాంచరణ్ తో దిగిన ఫోటోను పోస్టు చేశారు. ఫోటోలో అనసూయ కుమారుడు కూడా ఉండటం విశేషం.

అద్భుతమైన వ్యక్తి:

'అద్భుతమైన వ్యక్తి రాంచరణ్‌తో దిగిన సెల్ఫీని మీతో పంచుకుంటున్నా.. మీ రోజును మరింత ఆనందదాయకం చేయాలనుకుంటున్నా.. రంగస్థలం సెట్స్ లో దిగిన సెల్ఫీ ఇది, రాంచరణ్ మనల్ని గర్వపడేలా చేస్తారు' అని అనసూయ ఆ పోస్టులో చెప్పుకొచ్చారు.

అనసూయ పాత్ర?:

రంగస్థలంలో అనసూయ పాత్రపై ఇంతవరకు ఎటువంటి క్లారిటీ రాలేదు. సినిమాలో ఆమె ఐటెం సాంగ్ చేస్తోందంటూ తొలుత ప్రచారం జరిగినా.. అదంతా వట్టిదే అని తేలిపోయింది. ఆ తర్వాత మేనత్త పాత్రలో నటిస్తున్నారంటూ మరో ఊహాగానం కూడా తెర పైకి వచ్చింది. అయితే ఇందులో నిజానిజాలెంతనేది మాత్రం తెలియదు.

భారీ అంచనాలు:

సుకుమార్ దర్శకత్వంలో వస్తున్న సినిమా కావడంతో.. రాంచరణ్‌ను ఆయన డిఫరెంట్‌గా ప్రజెంట్ చేసి ఉంటారన్నది ప్రత్యేకంగా చెప్పనక్కర్లేదు.

ఇప్పటికే విడుదలైన ఫస్ట్ లుక్ అభిమానులను విపరీతంగా ఆకట్టుకుంది. ఇకపోతే ఈ సినిమా కథకు సంబంధించి పలు ఊహాగానాలు చక్కర్లు కొట్టినప్పటికీ.. అసలు కథేంటి అన్నది మాత్రం ఇంతవరకు బయటకు పొక్కలేదు. బజ్ రీత్యా సినిమాపై భారీ అంచనాలే ఉన్నాయి.