Don't Miss!
- News AP Elections: ముగిసిన నామినేషన్ల పర్వం- జగన్, బాబు, పవన్ కు పోటీ ఇలా..!
- Sports T20 World Cup 2024: సంజూ శాంసన్కు మళ్లీ అన్యాయమే!
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రంగస్థలం థాంక్స్ మీట్ సాక్షిగా సారీ చెప్పిన అనసూయ!
మెగా పవర్ స్టార్ రామ్ చరణ్, సమంత హీరో హీరోయిన్లుగా సుకుమార్ దర్శకత్వంలో తెరకెక్కిన 'రంగస్థలం' చిత్రం సూపర్ హిట్ టాక్తో దూసుకెళుతోంది. మూడు రోజుల్లోనే రూ. 100 కోట్ల వసూలు చేసిన ఈ చిత్రం టాలీవుడ్లో పలు రికార్డులు బద్దలు కొడుతూ వసూళ్ల సునామీ క్రియేట్ చేస్తోంది. సినిమాను ఇంత పెద్ద హిట్ చేసిన ప్రేక్షకులకు థాంక్స్ చెబుతూ మైత్రీ మూవీ మేకర్స్ వారు సోమవారం థాంక్స్ మీట్ ఏర్పాటు చేశారు. ఈ సందర్భంగా రంగమ్మత్తగా నటించిన అనసూయ ఆసక్తికరంగా ప్రసంగం ఇచ్చింది.
Recommended Video
మీ ఇద్దరి ఇబ్బంది పెట్టాను, సారీ
ప్రీ రిలీజ్ ఫంక్షన్లో కంగారుతో ఎక్కువగా మాట్లాడలేక పోయాను. ఈ థాంక్యూ మీట్లో చెప్పాల్సింది అంతా చెప్పదలుచుకున్నాను. సుక్కూ సార్ మా రంగస్థల బ్రహ్మ. మీకు చాలా సార్లు నేను నస పెట్టాను. మా చిట్టిబాబుపై కూడా ప్రతి సారి గొనుగుతూ వచ్చాను. మిమ్మల్ని ఇబ్బంది పెట్టినందుకు క్షమించాలని అనసూయ అన్నారు.
చరణ్తో రంగమ్మత్త అని పిలిపించుకోనని చెప్పాను
రామ్ చరణ్ నా ఫేవరెట్ కో స్టార్. సుకుమార్ సార్ నారోల్ గురించి చెప్పినపుడు అతడితో రంగమ్మత్త అని పిలిపించుకోలేను, నన్ను చరణ్ అత్త అని పిలిస్తే ఒప్పుకోను, అదే సమయంలో అతడిని అల్లుడు అని అస్సలు పిలవలేను అని చెప్పాను. కానీ ఈ రోజు రంగమ్మత్త అనే పిలుపంత వినసొంపైన పదం లేదని నాకు అనిపిస్తోంది. రంగస్థలం లాంటి ప్రాజెక్ట్ నాకు ఒక గొప్ప అచీవ్మెంటు లాంటిది... అని అనసూయ తెలిపారు.
సుక్కు సార్ టాప్
సినిమాలో రంగమ్మత్తను ఈ రకంగా రిసీవ్ చేసుకున్నారంటే అందుకు కారణం మై ఫేవరెట్ సుక్కూ సార్. నేను ఆర్టిస్టును అవుదామని డిసైడ్ అయిన తర్వాత ఐదుగురు దర్శకులతో తప్పకుండా పని చేయాలని ఓ లిస్టు రాసుకున్నాను. అందులో సుకుమార్ సార్ పేరు టాప్లో ఉంటుంది. ఇంత తొందరగా ఆయనతో కలిసి పని చేసే అవకాశం రావడం అదృష్టంగా భావిస్తున్నాను.... అని అనసూయ తెలిపారు.
మెగాస్టార్ చిరంజీవి గుర్తొచ్చారు
రామ్ చరణ్ను చూసిన తర్వాత నాకు పెర్ఫార్మెన్స్ వైజ్ స్వయం కృషి సినిమా గుర్తొచ్చింది. కలెక్షన్స్ వైజ్ ఖైదీ గుర్తొచ్చింది. స్వయం కృషి, రుద్రవీణ, ఆపద్భాంధవుడు ఇలాంటి సినిమాలు మెగాస్టార్ చిరంజీవి గారికి ఎంత యాడ్ అయ్యాయో.... రామ్ చరణ్కు ‘రంగస్థలం' అలాంటి సినిమా అవుతుంది అని అనసూయ అభిప్రాయ పడ్డారు.
మైత్రి మూవీ మేకర్స్
మైత్రి మూవీ మేకర్స్ ప్రొడక్షన్ హౌస్ పని తీరు ఎలా ఉంటుందో అంతకు ముందు విన్నాను. రంగస్థలం సినిమా ద్వారా స్వయంగా చూశాను. వారు ఆర్టిస్టులకు ఎంతో స్పేస్ ఇస్తారు. ఇలాంటి సంస్థలో పని చేయడం ఆనందంగా ఉంది. రత్నవేలుగారు నన్ను తెరపై ఎంతో బాగా చూపించారు అని అనసూయ తెలిపారు.