Don't Miss!
- Sports SRH vs MI: చేతులెత్తేసిన హార్దిక్ పాండ్యా.. కెప్టెన్సీ చేసిన రోహిత్ వీడియో
- Lifestyle చాణక్య నీతి ప్రకారం, ఈ తప్పులను నిర్లక్ష్యం చేసిన వారు జీవితంలో ఘోర వైఫల్యాన్ని ఎదుర్కొంటారు...!
- News సోము వీర్రాజు దారెటు?
- Automobiles కొత్త కాంపాక్ట్ ఎస్యూవీ బసాల్ట్ విజన్ ఎస్యూవీని ఆవిష్కరించిన సిట్రోయెన్
- Technology WhatsApp ద్వారా విదేశాలకు డబ్బు పంపేందుకు కొత్త ఫీచర్! వివరాలు
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
- Finance Hyderabad: తల్లి కోరిక తీర్చిన ఆనంద్ మహీంద్రా.. 4000 మంది విద్యార్థుల కోసం హైదరాబాదులో..
యాంకర్ హరితేజ గర్భవతి... కడుపులో పెరుగుతున్న బిడ్డ.. వీడియో వైరల్!
సినీ నటిగా, యాంకర్గా ఎన్నో పాత్రలతో ఆకట్టుకొంటున్న హరితేజ తన అభిమానులకు శుభవార్తను అందించింది. లాక్డౌన్లో ఇంటికే పరిమితమైన టాప్ యాంకర్ సాధారణ గృహిణిగా మారిపోయింది. త్వరలోనే తాను అద్భుతమైన మాతృత్వ అనుభూతిని పొందుతున్నట్టు సోషల్ మీడియా ద్వారా వెల్లడించింది. హరి తేజ సోషల్ మీడియాలో వెల్లడించిన ప్రకారం...
బుల్లితెరపై హరితేజ మ్యాజిక్
బుల్లితెరపై షోలు, యాంకరింగ్తో ఎంతో మంది అభిమానులను హరితేజ సొంతం చేసుకొన్నారు. స్టార్ మా, జెమినీ, ఈటీవీ లాంటి ప్రముఖ ఛానెల్స్లో సందడి చేశారు. కమెడియన్గా, ఎన్నో విభిన్నమైన పాత్రలతో ఆకట్టుకొన్నారు. సినీ నటిగా కూడా పలు సినిమాల్లో కనిపించారు. నటిగా, యాంకర్గా కొనసాగుతున్న సమయంలో బిగ్బాస్లోకి ఎంట్రీ ఇచ్చారు.
బిగ్బాస్ తొలి సీజన్లో స్ట్రాంగ్గా
తెలుగులో ప్రారంభమైన తొలి బిగ్బాస్ సీజన్లో పాల్గొన్నారు. వినోదంతోపాటు అద్భుతమైన పెర్ఫార్మెన్స్తో ఆమె మరింత పాపులారిటీ సాధించారు. హరితేజ చెప్పిన హరికథ మరింత వినోదాన్ని పంచింది. దాదాపు చివరి వరకు ఆమె టైటిల్ కోసం పోటీపడ్డారు. టైటిల్కు అర్హత ఉన్న అభ్యర్థుల్లో తాను ఒకరనే ముద్రను వేసుకొన్నారు.
గర్భవతిని అంటూ వీడియో రిలీజ్
తాజాగా తాను గర్భవతిని అయ్యానంటూ తన ఇన్స్టాగ్రామ్లో ఓ వీడియోను షేర్ చేసింది. తన కడుపులో పెరుగుతున్న బిడ్డను ముద్దు పెట్టుకొంటూ డ్యాన్స్ చేశారు. తన గర్బాన్ని చూసుకొంటూ మురిసిపోయారు. ఆ వీడియోలో హరితేజ మరింత ఆనందంగాను, అందంగాను కనిపించింది.
Recommended Video
మాతృత్వం అనుభూతిని పొందుతూ..
తల్లిని కాబోతున్నాననే విషయం హరి తేజ జీవితంలో కొత్త వెలుగులు నింపినట్టు అర్ధమైంది. సోషల్ మీడియాలో పోస్టు చేసిన వీడియోకు మంచి రెస్సాన్స్ వస్తున్నది. నెటిజన్లు, అభిమానులు హరితేజకు శుభాకాంక్షలు అందిస్తున్నారు. అభినందనలతో తడిసి ముద్దవుతున్న హరితేజ మరింత సంతోషంలో మునిగిపోతూ వీడియోలో కనిపించింది. ఈ ప్రస్తుతం ఈ వీడియో సోషల్ మీడియాతోపాటు యూట్యూబ్లో కూడా వైరల్ అవుతున్నది.