చచ్చిపోలేదు, బ్రతికే ఉన్నాం... యాంకర్ రష్మి ఓటు రచ్చ, చివరకు ఏమైందంటే?

మాకు స్లిప్స్ అందలేదు

నేను, మా అమ్మ ఓటు వేయడం ఇదే తొలిసారి కాదు. మాది వైజాగ్ పర్మినెంట్ అడ్రస్ కాబట్టి ప్రతి సారి ఇక్కడికి వచ్చి ఓటు వేస్తుంటాము. ఎలక్షన్ కమీషన్ వెబ్ సైట్లో చెక్ చేసుకుందామంటే అది ఓపెన్ కావడం లేదని రష్మి వాపోయారు.

రష్మికి కౌంటర్ ఇచ్చిన నెటిజన్

అయితే కొందరు రష్మి కామెంట్లపై స్పందిస్తూ.. మీ లాంటి వారు ఎందుకు చివరి నిమిషం వరకు మీ ఓటు గురించి పట్టించుకోరు. నెల రోజుల ముందే మీరు చెక్ చేసుకుని ఉండాలి అంటూ కామెంట్ చేశారు. దీనికి రష్మి ఘాటుగా సమాధానం ఇచ్చారు.

మేము చచ్చిపోలేదుగా అంటూ రష్మి

నేను, మా అమ్మ లాంటి వారు, ఇంకా చాలా మంది తొలి సారి ఓటు వేస్తున్నవారు కాదుకదా... మేము మా అడ్రస్ కూడా మార్చలేదు.. రెగ్యులర్ గా టాక్స్ కడుతున్నాం కాబట్టి చనిపోయారు అని భావించడానికి కూడా లేదు. ఎప్పటి లాగే మా పేరు లిస్టులో ఉంటుందని అనుకున్నామని రష్మి తెలిపారు.

ఎవరికి ఓటు వేస్తారంటే..

ఓటు ఎవరికి వేస్తారు అని ఒక అభిమాని అడగా... ఓటు అనేది రహస్య పద్దతి ద్వారా నాయకుడిని ఎన్నుకునే విధానం. ఓటు ఎవరికి వేస్తాము అనేది చెప్పడం కరెక్ట్ కాదు అని ఈ సందర్భంగా రష్మి చెప్పుకొచ్చారు.

ఆ విషయం ప్రచారం చేస్తున్న వారినే అడగండి

మీరేమో ఇలా అంటున్నారు.. మీ తోటి ఆర్టిస్టులు కొందరు ఆయా పార్టీల తరుపున వకాల్తా పుచ్చుకుని వారికే ఓటు వేయండని అడుగుతున్నారు, ఓటర్లను ప్రభావితం చేస్తున్నారని మరొక అభిమాని ప్రశ్నించగా.... ఆ విషయం వారినే అడిగండి, నేను వారితో కలిసి లేనప్పుడు నన్ను ఈ ప్రశ్న అడగటం భావ్యం కాదు అని రష్మి తెలిపారు.

చివరకు రష్మి ఓటర్ స్లిప్ దొరికింది

అయిత కొంత సేపటి తర్వాత రష్మి తన ఓటర్ స్లిప్ దొరికిందని పేర్కొనడం గమనార్హం. అయితే తన తల్లి స్లిప్ ఇంకా అందలేదని ఆమె వెల్లడించారు. ఓటు గురించి ఈ చర్చ సోషల్ మీడియాలో హాట్ టాపిక్ అయింది.