హోమ్

న్యూస్

బిగ్ బి అమితాబ్, సైఫ్ అలీఖాన్, దీపికా పడుకొనే ప్రధాన పాత్రల్లో ప్రకాష్ ఝా రూపొందించిన బాలీవుడ్ మూవీ 'ఆరక్షణ్" సినిమాను ఆంద్రప్రదేశ్ లోనూ నిలిపి వేశారు. ఈ మేరకు రేపు(ఆగస్టు 12) విడుదల కావాల్సిన సినిమాను నిలిపి వేయాలని రాష్ట్ర ప్రభుత్వం నుంచి గురువారం అధికారికంగా ఉత్తర్వులు వెలువడ్డాయి. భారత దేశ విద్యా వ్యవస్థలో కులపరమై రిజర్వేషన్ల వ్యతిరేకించే విధంగా ఈ సినిమా ఉందని, ముఖ్యంగా దళితుల మనోభావాలను కించ పరిచే విధంగా సినిమా ఉంటుందని కొన్ని సంస్థలు ఆందోళన చేపట్టడంతో రాష్ట్ర ప్రభుత్వం ఈ నిర్ణయం తీసుకుంది. సినిమా విడుదలను ఆపేయాలని కొన్ని దళిత సంఘాల ప్రతినిధులు గురువారం ఉప ముఖ్యమంత్రి దామోదర రాజనర్సింహకు విజ్ఞప్తి చేశారు.

ఈ సినిఃమాపై ఇప్పటికే ఉత్తరప్రదేశ్ లోని మాయావతి ప్రభుత్వం నిషేదం విధించింది. పంజాబ్ రాష్ట్ర ప్రభుత్వం కూడా ఈ సినిమాపై విడుదలకు బ్రేకులు వేసింది. రాష్ట్ర ప్రభుత్వం నియమించే స్క్రీనింగ్ కమిటీ సినిమా ప్రివ్యూ చూసిన తర్వాత సినిమా విడుదలపై నిర్ణయం తీసుకుంటామని పంజాబ్ పభుత్వ వర్గాలు తెలిపాయి.