నటి అంజలీ దేవి సంతాప సభ (ఫోటోలు)

అంజలి దేవి

వెండితెర సీతగా పేరుగాంచిన అంజలీ తమిళనాడు రాజధాని చెన్నైలోని విజయ ఆసుపత్రిలో చికిత్స పొందుతూ జనవరి 13న తుది శ్వాస విడిచారు.

అంజలి దేవి గురించి...

అంజలి దేవి వయస్సు 86 సంవత్సరాలు. 1927 ఆగస్టు 24వ తేదీన తూర్పు గోదావరి జిల్లా పెద్దాపురంలో ఆమె జన్మించారు. ఆమె అసలు పేరు అంజనీ కుమారి.

సినిమాలు

ఆమె ఐదువందలకు పైగా చిత్రాల్లో నటించారు. లవకుశ చిత్రంలో ఆమె పోషించిన సీత పాత్ర ద్వారా ఎనలేని కీర్తిని సంపాదించారు. అప్పటి నుండి వెండితెర సీతగా పేరుగాంచారు. లవకుశ, సువర్ణ సుందరి, అనార్కలీ, బండిపంతులు, బోగి మంటలు, వీరాంజనేయ, భక్త ప్రహ్లాద తదితర చిత్రాల ద్వారా మంచి నటిగా గుర్తింపు పొందారు.

అవార్డులు

నాలుగు ఫిలిం ఫేర్ అవార్డులు, 2005లో రఘుపతి వెంకయ్య అవార్డు, 2006లో రామినేని ఫౌండేషన్ విశిష్ఠ పురస్కారం, 2008లో ఎఎన్నాఆర్ అవార్డులను అంజలి దేవి అందుకున్నారు.

చివరి చిత్రం

అంజలీ దేవి చివరి చిత్రం బిగ్ బాస్. తెలుగుతో పాటు హిందీ, తమిళ చిత్రాల్లో నటించారు. రంగస్థలం ద్వారా నట జీవితాన్ని ఆరంభించారు. అంజలీ దేవి భర్త ఆదినారాయణ రావు సంగీత దర్శకులు. అంజలి పిక్చర్స్ పతాకంపై పలు సినిమాలను నిర్మించారు.