For Quick Alerts
    ALLOW NOTIFICATIONS  
    For Daily Alerts

    ఖరీదైన కారులో అంజలి ఎస్కేప్, ఆ కారులో ఉన్నదెవరు?

    By Bojja Kumar
    |
    హైదరాబాద్: 'బలుపు' షూటింగులో భాగంగా హైదరాబాద్ వచ్చిన హీరోయిన్ అంజలి బూబ్లీహిల్స్‌లోని దస్పల్లా హోటల్ నుంచి ఉన్నట్టుండి మాయమైన సంగతి తెలిసిందే. రెండు రోజులుగా ఎవరికీ కనిపించకుండా పోయిన అంజలి ఆచూకీ కనుక్కోవాలని ఆమె కుటుంబ సభ్యులు పోలీసులకు కూడా ఫిర్యాదు చేసారు. అయితే ఈ రోజు ఉదయం అంజలి తమకు ఫోన్ చేసిందని, క్షేమగా ఉన్నానని చెప్పిందని ఆమె అసలు తల్లి మీడియాకు వివరించారు. ఫిర్యాదు కూడా వెనక్కి తీసుకుంటున్నట్లు తెలిపారు. అయితే అంజలి ఎక్కడ ఉందనే వివరాలు మాత్రం వెల్లడించలేదు.

    కాగా... ఆమె అదృశ్యంపై దృష్టి సారించిన పోలీసులు దస్పల్లా హోటల్‌లో సిబ్బందిని విచారించడంతో పాటు, హోటల్‌లోని సిసిటీవీ పుటేజ్‌లను పరిశీలించారు. ఇక్కడ పోలీసులు సేకరించిన వివరాల ప్రకారం సోమవారం ఒంటరిగా అంజలి ఫోన్ మాట్లాడుకుంటూ వేగంగా నడుచుకుంటూ వచ్చి, డోర్ దగ్గర్ ఉన్న సిబ్బంది డోర్ తీయక ముందే తనే తీసుకుని హోటల్ బయట ఆగి ఉన్న ఖరీదైన కారులో ఎక్కి వెళ్లి పోయిందని తెలుస్తోంది.

    హోటల్ సిబ్బంది ఆ ఖరీదైన కారులో వెనక ఎవరో వ్యక్తి కూర్చున్నాడని చెప్పినట్లు తెలుస్తోంది. దీంతో పోలీసులు ఆ కారు ఎవరిది? అందులో కూర్చున్న వ్యక్తి ఎవరు? అనే విషయాలపై ఆరా తీస్తున్నారు. అంజలిని తీసుకెళ్లింది ఇండస్ట్రీకి చెందిన వ్యక్తులా? లేక ఆమె కుటుంబ సభ్యులా? ఇంకెవరైనానా? అనే విషయాలపై కూపీ లాగుతున్నారు.

    మరో వైపు కుటుంబ సభ్యుల తీరుపై కూడా పోలీసులు అనుమానం వ్యక్తం చేస్తున్నారు. అంజలి తమకు ఫోన్ చేసినట్లు చెబుతున్నప్పటికీ..... ఆమె ఎక్కడ ఉందనే వివరాలు చెప్పలేదని చెబుతుండటం, సెల్యూలార్ ఆపరేటర్ నుంచి డెలివరీ రిపోర్టు కూడా రాక పోవడం వారి అనుమానాలకు బలం చేకూరుస్తోంది. త్వరలోనే అంజలి కేసుకు సంబంధించిన పూర్తి వివరాలు బయట పెడతామని అంటున్నారు.

    English summary
    Anjali gone missing since monday morning. It was reported that Anjali was staying at Daspalla Hotel in Hyderabad with her uncle as she has come to Hyderabad on as shooting purpose. Source said that she is Escape in Luxury car from hotel. Earlier, Anjali told some media persons that she has been subjected to discrimination by her aunt (who claimed to be her mother) and that her aunt grabbed crores of her money with the help of Tamil director.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X