ముద్దు సీన్‌‌తో షాకివ్వనున్న హోమ్లీ హీరోయిన్

By Bojja Kumar

| Updated: Friday, October 26, 2012, 16:51 [IST]

హైదరాబాద్: షాపింగ్ మాల్, జర్నీ చిత్రాల ద్వారా తెలుగు ప్రేక్షకులకు పరిచయమై... హోమ్లీ హీరోయిన్‌గా పేరు తెచ్చుకున్న హీరోయిన్ అంజలి ప్రస్తుతం 'సీతమ్మ వాకిట్లో సిరిమల్లె చెట్టు' చిత్రంలో నటిస్తున్న సంగతి తెలిసిందే. హోమ్లీగా ఉంది కాబట్టే ఈ చిత్రంలో ఆమెను వెంకీ సరసన హీరోయిన్‌గా ఎంపిక చేసారు.

త్వరలో ఈ అమ్మడు ప్రేక్షకులకు షాకివ్వడానికి సిద్ధం అవుతోంది. బాలీవుడ్ మూవీ 'ఢిల్లీ బెల్లీ' చిత్రానికి రీమేక్‌గా తమిళంలో రూపొందుతున్న చిత్రంలో ఆర్య, హన్సికలతో కలిసి నటిస్తున్న అంజలి.... ఈ చిత్రంలో ఆర్యతో కలిసి లిప్ లాక్ సీన్లో నటిస్తోంది. ఇటీవలే ఆర్య, అంజలిపై పలు ముద్దు సీన్లు చిత్రీకరించారు.

ఈ చిత్రానికి దర్శకత్వం వహిస్తున్న కన్నన్ మాట్లాడుతూ... మొదట ముద్దు సీన్లు చేయడానికి అంజలి ఇబ్బంది పెట్టినా, సినిమాకు ముద్దు సీన్లు కీలకం కావడంతో విషయం అర్థం చేసుకుని బాగా నటించిందని, ఆమె చాలా ప్రొఫెషనల్‌‌గా నటించారు అని వెల్లడించారు.

హోమ్లీ పాత్రలను వదిలి ముద్దు సీన్లతో రెచ్చిపోతున్న అంజలి భవిష్యత్ ఎలా ఉంటుందో చూడాలి. అంజలి తెలుగులో 'సీతమ్మ వాకిట్లో సిరిమల్లె చెట్టు' చిత్రంతో పాటు... రవితేజ హీరోగా గోపీచంద్ మలినేని దర్శకత్వంలో పివిపి సినిమా బేనర్‌పై ప్రసాద్ వి.పొట్లూరి నిర్మిస్తున్న 'బలుపు' చిత్రంలో రెండో హీరోయిన్ గా ఎంపికయింది.

Comments

English summary

Anjali is all set to shock everyone with a sizzling screen kiss in her upcoming movie with Hansika and Arya. The movie is a remake of the Bollywood hit ‘Delhi Belly’ and a few kiss scenes were recently shot between Arya and Anjali.