Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
మిస్టరీ వీడింది : నిర్మాత రక్షణలో అంజలి
అంజలి అదృశ్యం కాలేదని, ఇష్టపూర్వకంగానే హోటల్ నుంచి వెళ్లిపోయారని హైదరాబాద్ పశ్చిమమండలం డీసీపీ జి.సుధీర్బాబు తెలిపారు. ఆమె సోదరుడి ఫిర్యాదు మేరకు కేసు నమోదు చేశామని, ఆమె తాను క్షేమంగా ఫలానా చోట ఉన్నానంటూ తమకు సమాచారం ఇచ్చాక చట్టప్రకారం చర్యలు చేపడతామన్నారు. ప్రస్తుత పరిస్థితుల్లో కేసు ఉపసంహరణ సాధ్యం కాదని చెప్పారు. ఆమె ఎక్కడున్నారన్నదానిపై దర్యాప్తు చేస్తున్నామని తెలిపారు.
అంజలి అదృశ్యంపై కేసు నమోదు చేసుకున్న జూబ్లీహిల్స్ పోలీసులు ఆమె ఫోన్ల జాబితాను సేకరించి వాటిని విశ్లేషించారు. సినీ నటీనటులు, నిర్మాతలు, కొన్ని కంపెనీలు, ట్రావెల్ ఏజెంట్ల నంబర్లన్నీ అందులో ఉన్నాయి. సోమవారం ఉదయం ఆమె ఫోన్ స్విచ్ ఆఫ్ చేసేంతవరకూ ఆమె చేసిన ఫోన్ కాల్స్, ఆమెకు వచ్చిన ఫోన్ కాల్స్ను పరిశీలించారు. సన్నిహితంగా ఉండే ఇద్దరు యువ హీరోయిన్లను పోలీసులు ప్రశ్నించినట్టు సమాచారం. బుధవారం రాత్రి ఒక డబ్బింగ్ సినిమాల నిర్మాత, అతడి సోదరుడిని విచారించారు.
అంజలి నీకు ఏ సమస్య ఉన్నా నిన్ను ఆదుకోవడానికి తెలుగు పరిశ్రమ సిద్ధంగా ఉందని, నీవు ఇలా చెప్పాపెట్టకుండా వెళ్లిపోవడంవల్ల పెద్ద చిత్రాల షూటింగ్లకు అంతరాయం కలుగుతోందని, ఇది హర్షణీయం కాదని, దయచేసి ఎక్కడ ఉన్నా నీ క్షేమ సమాచారాలతో సంప్రదించవలసిందిగా కోరుతున్నామని క్రేజీ చిత్ర నిర్మాత సురేష్ కొండేటి విజ్ఞప్తి చేశారు.