సునామి సృష్టించే పనిలో అంకిత....

By Staff

Published: Monday, March 9, 2026, 22:56 [IST]

అంకిత ఇప్పుడు సిల్వర్ స్క్రీన్ పై సునామీ సృష్టించటానికి రెడీ అవుతోంది. రస్నా బేబి గా పాపులర్ అయినామె ఎంత స్పీడుగా ఎదిగి పెద్ద పెద్ద ఆఫర్లు సంపాదించిందో అంతే త్వరగా ఫేడవుట్ అయింది. కానీ ఇప్పుడు మళ్ళీ 'సునామీ 7 X' టైటిల్ తో ముందుకొస్తోంది. ఇంట్రెస్టింగ్ గా ఉండే కథ,కథనాలు ఈ చిత్ర ప్రత్యేకతట. ఒక అందమైన కుటుంబంలో చిన్నగా మొదలైన ఓ ఇష్యూ అనుకోని విధంగా అనేక అపార్ధాలుతో పెరిగి పెద్దదవుతుంది. దాంతో ఆ ఫ్యామిలీ విడిపోతుంది. అదే సునామీ అంటున్నారు దర్శకుడు ఎ.మ్.ఎ.చౌదరి.

రాజమండ్రి,పాలకొల్లు,వైజాగ్ పరిశర ప్రదేశాల్లో షూటింగ్ జరుపుకుంటున్న ఈ సినిమా పాటలు కోసం బ్యాంకాక్ వెళతారుట. ఇక ఈ చిత్రాన్ని కె.బాలకృష్ణ, మధుకర్, శ్రీనివాస బాబులతో కలిపి నిర్మిస్తున్నారు. ఇంకా ఈ సినిమాలో రఘుబాబు, సునీత, కృష్ణభగవాన్ ప్రధాన పాత్రలు పోషిస్తున్నారు. ఈ చిత్రంలో అంకిత ఎప్పటిలాగే హాట్ హాట్ గా కనపడుతుందిట. మరి సునామీ పుడుతుందా...మునుగుతుందా చూడాలంటే కొంతకాలం ఆగాల్సిందే.

More from Filmibeat