మరో సెన్సేషనల్ కథతో విజయేంద్ర ప్రసాద్.. డైరెక్షన్ ఎవరంటే..

తెలుగులో మాట్లాడలేను

మణికర్ణిక ట్రైలర్ రిలీజ్ కార్యక్రమంలో కంగన రనౌత్ మాట్లాడుతూ.. నేను తెలుగులో మాట్లాడలేను. కానీ అర్థం చేసుకొంటాను. నా కోసం ఓ సినిమా కథను విజయేంద్ర ప్రసాద్ రాస్తున్నారు. ఆ సినిమాలో సమయంలో నేను తెలుగులో మాట్లాడటానికి డెఫినెట్‌గా ప్రయత్నిస్తాను అని అన్నారు.

అనేక సమస్యలను ఎదుర్కొన్నాను

మణికర్ణిక చిత్ర సమయంలో పలు సవాళ్లు ఎదుర్కొన్నాను. షూటింగ్‌లో నా నుదుటి భాగానికి గాయమైంది. ఆ సమయంలో చాలా కంగారు పడ్డాను. ఆ తర్వాత ఎన్టీఆర్ బయోపిక్ కోసం క్రిష్ ప్రాజెక్ట్‌ను వదిలి వెళ్లడంతో డైరెక్టర్‌గా మారాను. అప్పుడు ఆ సినిమాను తెరకెక్కించే విషయంలో నేను కొంత టెన్షన్ పడ్డాను అని కంగన పేర్కొన్నది.

కంగన కోసం కథ రాస్తున్నాను

అదే విషయంపై విజయేంద్ర ప్రసాద్ మాట్లాడుతూ.. కంగన రనౌత్‌ కోసం కథ రాస్తున్నాను. ఆ సినిమాకు కంగన దర్శకత్వం వహించనున్నారు. అందులో తెలుగు భాషకు ఏమైనా స్కోప్ ఉంటుందో చూడాలి. త్వరలోనే ఈ సినిమాకు సంబంధించిన పనులు ప్రారంభం కానున్నాయి అని చెప్పారు.

25న మణికర్ణిక రిలీజ్

క్రిష్, కంగన డైరెక్షన్ వస్తున్న మణికర్ణిక చిత్రం జనవరి 25న రిలీజ్ కానున్నది. ఇప్పటికే టీజర్లు, ట్రైలర్లు ఈ సినిమాపై భారీ అంచనాలు నెలకొన్నాయి. బయోపిక్‌ చిత్రాలు ఘన విజయాలను సొంతం చేసుకొంటున్న నేపథ్యంలో ఝాన్సీ రాణి బయోపిక్‌ కూడా భారీ సక్సెస్‌ను అందుకోవడం ఖాయమనే మాట ట్రేడ్ వర్గాల్లో వినిపిస్తున్నది.