'బొమ్మాళి'కి జనం తిట్లు

By Staff

Published: Wednesday, March 25, 2009, 14:30 [IST]

"అరుంధతి"గా నటించి తెలుగు సినిమా కలెక్షన్ల చరిత్రను తిరగరాసిన అనుష్కకు రాజమండ్రిలో అవమానం జరిగింది. "అరుంధతి" సినిమా కలెక్షన్లు "పోకిరి" సినిమాను దాటిపోయిన విషయం తెలిసిందే. ఇటీవల ఒక సినిమా షూటింగ్ లో భాగంగా రాజమండ్రి వచ్చిన అనుష్క అభిమానులకు అబివాదం చేయకపోగా, మోడ్రన్ డ్రెస్ లో పోజు కొట్టుకుంటూ వెళ్ళిందట. సినిమాల విషయంలో పండిపోయిన రాజమండ్రి సామాన్యులకు దానితో కడుపు మండిపోయింది.

"ఆ సినిమాలో నీ గొప్పతనం ఏముందే? నిర్మాత శ్యాం ప్రసాద్ రెడ్డి, విలన్ సోను సూద్, క్యారక్టర్ ఆర్టిస్ట్ షాయాజీ షిండే, డబ్బింగ్ ప్రతిభ బొమ్మను ఆడించాయి. బొమ్మాళీ నీకంత సీన్ లేదు" అని చివాట్లు పెట్టారట. ఈ మధ్య తెలుగు బాగా నేర్చుకున్న అనుష్కకు ఆ తిట్లు బాగా అర్ధమై మొహం ముడుచుకుందట.

More from Filmibeat