పాపం జెనీలియా!!

By Staff

| Published: Tuesday, March 17, 2009, 15:16 [IST]

అయ్యో పాపం జెనీలియా అని ఈ మ్యాటర్ తెలిసున్న వారంతా ఆమెను చూసి సానుభూతి కురిపిస్తున్నారు. కారణం మరేమిటో కాదు..ఈ మధ్య జెనీలియా, అనూష్కా ఇద్దరూ కలిసి చెన్నై షాపింగ్ మాల్ ప్రారంభోత్సవానికి వెళ్ళారు. అయితే అక్కడికొచ్చిన జనం మాత్రం అనూష్క వంకే ఆరాధనగా చూస్తూండిబోయారు. అంతేగాక షాపింగ్ మాల్ వాళ్లు సైతం అనూష్కకే విపరీతమైన ప్రయారిటీ ఇచ్చారు. ఇది చూసుకున్న జెనీలియాకు ఉక్రోషమొచ్చి ఫేస్ ఫీలింగ్స్ మారిపోయాయి.

బొమ్మరిల్లు, జానేతూ సినిమాలతో యూత్ ఐకాన్ లా మారానని ఫీలవ్వుతున్న సమయంలో ఈ సంఘటన ఆమెను బాగా కలవరపరిచిందని సమాచారం. అయితే జెనీలియా శ్రేయాభిలాషులు ఇది గమనించి ఈ మధ్యనే కదా అరుంధతి హిట్ అయ్యి పెద్ద పేరు వచ్చింది. ఆ మాత్రం క్రేజ్ ఉంటుంది. నీకు ఇంకో హిట్టు వస్తే నీ సీన్ కూడా మారుతుందిలే అన్నారు. అయినా అనూష్క అనూష్కే హాట్ కదా నువ్వూ ఫ్యామిలీ టైప్ అని ఓదార్చారుట. ఇది విన్న జెనీలియా పరిస్ధితి ఎలా ఉన్నా ఈసారి మాత్రం ఒంటిరిగానే ఓపినింగ్స్ కి వెళ్ళాలని నిర్ణయించుకుంది.