అనుష్కతో మేకప్ మేన్ చంద్ర భారీ చిత్రం

'అరుంధతి" గా సంచలన విజయాన్ని సాధించిన అనుష్క ప్రధాన పాత్రలో ఓ హీరోయిన్ ఓరియంటెడ్ చిత్రం డిసెంబర్ 11 న ప్రారంభం అవుతోంది. 'కింగ్" నాగార్జున పర్సనల్ మేకప్ మేన్ చంద్ర నిర్మాతగా మారి పతాకంపై ఈ ప్రస్టీజియస్ మూవీని నిర్మిస్తున్నారు. ఉత్తమ రూపశిల్సిగా సీతారామరాజు, అన్నమయ్య, శ్రీరామదాసు చిత్రాలకు రాష్ట్ర ప్రభుత్వ నంది అవార్డులు అందుకున్న 'చంద్ర" నిర్మాతగా సెన్సేషనల్ హిట్ ఇవ్వడానికి సన్నాహాలు చేస్తున్నారు. ఈ చిత్రం గురించి నిర్మాత చంద్ర మాట్లాడుతూ..'అనుష్క ప్రధాన పాత్రలో అరుంధతి" తర్వాత వస్తున్న హీరోయిన్ ఓరియంటెడ్ ఫిలిం ఇది.

అద్భుతమైన కథలో అనుష్క కెరీర్లో మరో సంచలన చిత్రంగా ఈ చిత్రం రూపొందుతుంది. డిసెంబర్ 11 నుంది ఫిబ్రవరి నెలాఖరు వరకు జరిగే షెడ్యూల్ తో నిర్మాణం పూర్తవుతుంది. ఈ చిత్రంలో నటించే మిగిలిన తారాగణాన్ని, సాంకేతికవర్గాన్ని అతి త్వరలోనే ప్రకటిస్తాం అన్నారు. 'అరుంధతి" కనీవినీ ఎరుగని అద్భుత విజయం సాధించిన నేపథ్యంలో అనుష్కతో చంద్ర నిర్మిస్తున్న చిత్రానికి ఆల్రెడీ బయ్యర్స్ నుండి భారీ ఆఫర్స్ రావడం విశేషం.