అనుష్క 'తకిట తకిట'

By Staff

Published: Wednesday, May 13, 2009, 16:34 [IST]

హాట్ స్టార్ అనూష్క త్వరలో తకిట తకిట అనబోతోంది. హీరోయిన్ భూమిక తన 'డౌన్ టౌన్ ప్రొడక్షన్స్ పై ఈ చిత్రం చేయనుందని సమాచారం. హీరోయిన్ ఓరియెంటెడ్ కథాంశంతో తెరకెక్కే ఈ చిత్కరానికి శ్రీహరి నాను డైరక్ట్ చేయనున్నారు. శ్రీహరి నాను గతంలో భూమికతో 'సత్యభామ' చిత్రానికి దర్శకత్వం చేసారు. ఇక భూమిక తొలిసారిగా తన బ్యానర్ పై రూపొందించే ఈ చిత్రానికి అనూష్క అయితే క్రేజ్ ఉంటుందని భావించి ఈ నిర్ణయం తీసుకున్నారని తెలుస్తోంది. ఈ చిత్రానికి 'తకిట తకిట' అనే టైటిల్ ను కూడా ప్రకటించారు. అతి త్వరలోనే ఈ చిత్రం సెట్స్ పైకి రానుంది.

అనూష్క ప్రస్తుతం త్రివిక్రమ్ శ్రీనివాస్ దర్శకత్వంలో రూపొందుతున్న 'వరుడు' చిత్రంలో మహేష్ బాబు జంటగా నటిస్తోంది. అల్లు అర్జున్, మంచు మనోజ్ ప్రధాన పాత్రధారులుగా క్రిష్ ('గమ్యం' ఫేమ్) దర్శకత్వంలో త్వరలో సెట్స్ పైకి రానున్న 'వేదం' చిత్రంలో అనుష్క ఎంపికైంది. ఇక అరుంధతి, భిల్లాతో అనూష్క క్రేజ్ ఒక్కసారిగా పెరిగ పోయింది. అరుంధతితో నటనా పరంగాను, భిల్లాలో బికినీ ప్రదర్శనతో గ్లామర్ పరంగానూ మార్కులు వేయించుకోవటం ఆమెకు బాగా కలిసి వచ్చింది.

More from Filmibeat