రోజుకో కొత్త అనుభవం..అనూష్క

By Staff

Published: Monday, May 4, 2009, 13:50 [IST]

రోజుకో కొత్త పాఠం నేర్చుకోవాలి. కొత్త అనుభవాన్ని పొందాలి. లేకుంటే మన స్థానం ఎక్కడని వెతుక్కోవాల్సిన పరిస్థితులు ఏర్పడతాయి అంటోంది అనూష్క. అరుంధతి విజయంతో ఎక్కడికో వెళ్ళిపోయిన అనూష్క ఎప్పుడు ఏ విషయం చెప్పినా సెన్సేషన్ అవుతోంది. తాజాగా తన సక్సెస్ కి కారణాలు వివరిస్తూ..మొదటి సినిమాలో నటించడం ఎలాగో తెలుసుకొంటే చాలు అనుకున్నా..కానీ ఆ తరవాత ఏ సినిమాకైనా అదే నటన కదా అనుకున్నాను..కానీ కొంత దూరం వెళ్ళిన తర్వాత అసలు విషయం అర్ధమైంది...నటన అంటే అంత సులువు కాదని అని చెప్తోంది. బిల్లా ప్రమేషన్ మీట్ లో ఆమెను కలిసిన మీడియాకు ఆమె ఇలా వివరించుకొచ్చింది.

మొదట సూపర్‌ సినిమాతో కెమెరా ముందుకొచ్చాను. ఆ ఛాన్స్‌ వచ్చేటప్పటికి నాకెలాంటి అనుభవం లేదు. అప్పుడు అనుకున్నాను..తొలి సినిమా కాబట్టి అన్నీ నేర్చేసుకొంటే చాలు. ఆ తరవాత అదే అలవాటైపోతుంది అని! కానీ ఇప్పుడా అభిప్రాయం మార్చుకున్నాను. ప్రతి రోజూ రకరకాల మనస్తత్వాలున్న వారిని కలుసుకుంటున్నాను. ఎన్నెన్నో విషయాలు తెలుస్తున్నాయి. కొంతమంది ఈ పరిశ్రమలో నిలదొక్కుకోవడానికిపడ్డ కష్టాలను వింటుంటే ఎన్‌సైక్లోపీడియాలను తిరగేసినంత జ్ఞానాన్ని సముపార్జించగలుగుతున్నాను. ఒక్క మాటలో చెప్పాలంటే ఐఏయస్‌ పరీక్షలకు సన్నద్ధమై... అందులో నెగ్గిన తరవాత మళ్లీ ఆ పుస్తకాల వంక చూడనవసరం లేదు. నటీనటులు మాత్రం ప్రతి నిత్యం తమను తాము మెరుగుపరచుకుంటూ ఉండాలి. ప్రస్తుతం అనూష్క మహేష్ సినిమాలో హీరోయిన్ గా చేస్తోంది.

More from Filmibeat