అనూష్క కోరిక తీరుస్తున్న పవన్?

By Staff

Published: Wednesday, February 4, 2009, 15:52 [IST]

ఆ మధ్య అనూష్క పరస్పర పరిచయస్తులు వద్ద పవన్ కళ్యాణ్ ప్రక్కన నటించాలనే కోరికను వెళ్ళిబుచ్చిందిట. ఇది తెలుసుకున్న పవన్ కళ్యాణ్ వెంటనే స్పందించి ఆమెను తమ పార్టీ ప్రకటనల చిత్రంలో నటించమని, తర్వాత ఆమె కోరిక తప్పక నెరవేరుస్తానని చెప్పారని సమాచారం. అందు నిమిత్తం ఆమెని వెంటనే..అల్లు అరవింద్ కుమారుడు అల్లు శిరీష్ ని కలవమని ఆదేశించాడని చెప్తున్నారు. ఇంతకీ అల్లు శిరీష్ కి ఈ సీన్ లో ఏం పని అంటే...అతను ఈ మధ్య పూర్తిగా ప్రజారాజ్యం ప్రకటనలు రూపొందించే పనిలో బిజీగా ఉన్నాడు.

తమ సిధ్దాంతాలకు తగినట్లు విభిన్నంగా కాన్సెప్టు రూపొందిస్తూ..తండ్రి,మేనమామ మన్ననలూ పొందుతున్నాడు. శిరీష్ ఆ మధ్య ప్రజారాజ్యం కోసం ఎస్.పి.బాలసుబ్రమణ్యంతో ఓ గీతం రికార్డు చేయించాడుట. దాన్ని పవన్, అనూష్కలపై చిత్రీకరించాలని అతను ప్లాన్ చేస్తున్నాడుట. ఎలక్షన్స్ దగ్గరకొచ్చాక దాన్ని టీవీ ఛానెల్స్ లో వేస్తారుట. ఏదైమైనా అరుంధతి సూపర్ హిట్ అనూష్కకి బాగా కలిసివచ్చినట్లుంది. బయిట పొలోమంటూ సినీ ఆఫర్స్ రావటమే కాక,ఆమెకు రెమ్యునేషన్ సైతం విపరీతంగా పెరిగింది. ఈ రకంగా పవన్ ప్రక్కన నటించాలనే ఆమె కోరిక సైతం తీరిందని ఆమె అభిమానులు సంతోషపడుతున్నారు.

More from Filmibeat