హోమ్

న్యూస్

హైదరాబాద్: కరణ్ జోహార్ దర్శకత్వంలో రణబీర్ కపూర్, అనుష్క శర్మ జంటగా ‘యే దిల్ మై ముష్కిల్' మూవీ తెరకెక్కుతున్న సంగతి తెలిసిందే. ఈ సినిమా కోసం సమయం తెలియకుండా కష్టపడుతున్నారు. షూటింగులో పాల్గొని పాల్గొని అలసి పోయిన రణబీర్, అనుష్క ఒకే బెడ్ మీద కూలపడిపోయి నిద్రలోకి జారుకున్నారు.

ఈ ఫోటోను కరణ్ జోహార్ తన ట్విట్టర్ ద్వారా షేర్ చేస్తూ...యే దిల్ హై ముష్కిల్ సినిమా షూటింగులో నటీనటులు, టెక్నీషియన్స్ మీద ఓవర్ వర్క్ లోడ్ పడింది. అందుకు ఈ ఫోటోయే నిదర్శనం అంటూ కరణ్ జోహార్ ఈ ఫోటోను షేర్ చేసారు.

Non stop shoot for #AeDilHaiMushkil ...overworked cast and crew! Here's a sneak peek pic.twitter.com/p2HngNgquF

— Karan Johar (@karanjohar) December 8, 2015

ఈ చిత్రంలో ఐశ్వర్య రాయ్, రణబీర్ కపూర్, అనుష్క శర్మ ముఖ్య పాత్రల్లో నటించబోతున్నారు. తాజాగా అందుతున్న సమాచారం ప్రకారం ఈ చిత్రంలో మాజీ పోర్న్ స్టార్, బాలీవుడ్ హాట్ బ్యూటీ సన్నీ లియోన్ కూడా అతిథి పాత్రలో నటించబోతున్నట్లు వార్తలు వినిపిస్తున్నాయి కానీ ఈ విషయమై అఫీషియల్ సమాచారం ఏమీ లేదు.

1977లో విడుదలైన ‘దూస్రా ఆద్మీ' చిత్రానికి రీమేక్ గా ‘యే దిల్ హై ముష్కిల్' సినిమాను తెరకెక్కిస్తున్నారు. 2016 దివాళి నాటికి విడుదల చేయాలనే ప్రణాళికలతో ముందుకు సాగుతోంది ఆ చిత్ర టీం. ఐశ్వర్యరాయ్, రణబీర్ కపూర్, అనుష్క శర్మ లాంటి స్టార్ల ఉండటం వల్ల సినిమాకు మంచిరెస్పాన్స్ వస్తుందని దర్శకుడు కరణ్ జోహార్ భావిస్తున్నారు.