అనుష్క- విరాట్ పెళ్లి ఫోటోలు అమ్ముకున్నారు, ఎందుకంటే?

పెళ్లి ఫోటోలు అమ్మకానికి

పెళ్లి వేడుకకు ముందు నిశ్చితార్థం, మెహందీ, సంగీత్ కార్యక్రమాలు కూడా ఇటలీలోనే జరిగాయి. అయితే ఈ వేడుకలకు సంబంధించిన ఫోటోలు ఏవీ కూడా బయటకు రాలేదు. ఇవన్నీ ఓ ఫ్యాషన్ మేగజైన్‌కు అమ్మినట్లు తెలుస్తోంది.

ఆ డబ్బుతో ఏం చేస్తారు?

ఈ ఫొటోలు అమ్మడం ద్వారా వచ్చిన డబ్బును ఛారిటీ కార్యక్రమాలకు విరాళంగా ఇవ్వాలని అనుష్క, విరాట్ నిర్ణయించుకున్నట్లు తెలుస్తోంది. అందుకే వివాహ వేడుకకు సంబంధించిన కొన్ని ఫోటోలు తప్ప ఇతర ఫోటోలు బయటకు రానివ్వలేదని టాక్.

ఎంత మొత్తానికి అమ్మారు?

అయితే ఈ ఫోటోలను ఎంత మొత్తానికి అమ్మారు అనే విషయం బయటకు రాలేదు. హీరోయిన్ అనుష్క, క్రికెటర్ విరాట్ కోహ్లికి ఉన్న ఇమేజ్ ఆధారంగా ఈ ఫోటోలను భారీ ధరకు అమెరికా కేంద్రంగా నడిచే ఓ ఇంటర్నేషనల్ ఫ్యాషన్ మేగజన్ కొనుగోలు చేసినట్లు తెలుస్తోంది.

రెండు చోట్ల భారీగా వివాహ విందు

పెళ్లి వేడుకకు కొద్ది మందిని మాత్రమే ఆహ్వానించిన నేపథ్యంలో డిసెంబర్ 21న ఢిల్లీలో, డిసెంబర్ 26న ముంబయిలో వెడ్డింగ్ రిసెప్షన్ ప్లాన్ చేశారు. పెళ్లి తర్వాత ఇద్దరూ ముంబైలో నివాసం ఉంటారని తెలుస్తోంది.