చికిత్స కోసం ఆస్ట్రియాకు వెళ్లిన అనుష్క.. ఇండియాలో సాధ్యం కాకపోవడంతో!

బరువే కారణమా

అనుష్క భాగమతి చిత్రం తరువాత మరో చిత్రం చేయకపోయాడానికి కారణం ఆమె బరువే అని అంటున్నారు. సైజు జీరో చిత్రం కోసం అనుష్క బరువుపెరిగింది. బాహుబలి, భాగమతి చిత్రాల్లో స్లిమ్ గా కనిపించినప్పిటికి పూర్తి స్థాయిలో బరువు తగ్గలేదు.

చేజారిన అవకాశం

ప్రభాస్ నటిస్తున్న భారీ యాక్షన్ చిత్రం సాహోలో మొదట అనుష్కకే అవకాశం వచ్చినట్లు టాక్. కానీ యాక్షన్ అంశాలు ఎక్కువగా ఉండే చిత్రం కావడంతో చివరకు చిత్ర యూనిట్ శ్రద్ధ కపూర్ ని ఎంపిక చేసుకుంది. బరువు కారణంగా చేతికి వచ్చిన అవకాశాలని అనుష్క జారవిడుచుకోవలసి వచ్చింది.

ఎన్నో ప్రయత్నాలు

అనుష్క బరువు తగ్గేందుకు దేశవ్యాప్తంగా అనేక హెల్త్ సెంటర్స్ తిరిగి ప్రయత్నాలు చేసిందట. కానీ అవేవీ సరైన ఫలితాన్ని ఇవ్వలేదు. సహజసిద్ధమైన పద్దతుల ద్వారానే బరువు తగ్గాలని భావిస్తున్న అనుష్కకు సన్నిహితులు కొందరు సలహా ఇచ్చారట. ఆస్ట్రియాలో బరువు తగ్గేందుకు సహజసిద్ధమైన వైద్యం చేయించుకోవాలని సూచించారట. దీనితో అనుష్క ఇటీవల ఆస్ట్రియా వెళ్లినట్లు తెలుస్తోంది.

సరికొత్త లుక్

ఈ చికిత్స పూర్తి కాగానే అనుష్క సరికొత్త లుక్ లో మరింత నాజూకుగా కనిపించడం ఖాయం అని అంటున్నారు. ఆస్ట్రియా నుంచి తిరిగి వచ్చాక అనుష్క రెండు చిత్రాలని అంగీకరించే అవకాశాలు కూడా ఉన్నట్లు తెలుస్తోంది.

బాలీవుడ్ సెలెబ్రిటీలు

బాలీవుడ్ సెలబ్రిటీలు చాలా మంది ఆస్ట్రియాలోనే బరువు తగ్గి నాజూకుగా మారారు. గతంలో పరిణీతి చోప్రా, రణబీర్ కపూర్ వంటి నటులు ఇక్కడే బరువు తగ్గడం కోసం సహజసిద్ధమైన వైద్యం చేయించుకున్నారు. అనుష్క ఇక సినిమాలకు దూరం అవుతుందని కొంత కాలం నుంచి సోషల్ మీడియాలో ప్రచారం జరుగుతోంది. అనుష్క వెయిట్ లాస్ ట్రీట్ మెంట్ చేయించుకుంటున్న నేపథ్యంలో ఆ వార్తలకు చెక్ పెట్టినట్లు అయింది.