పిల్లల్ని కనాలని ఉంది.. నేను పెళ్లి చేసుకోనే వ్యక్తి ఎవరంటే.. అనుష్క

భాగమతితో ఆనందంగా

భాగమతి సినిమాపై ప్రేక్షకులు చూపిస్తున్న ఆదరణకు ఆనందంగా ఉంది. చాలా రోజుల తర్వాత సోలో హిట్ ఎంజాయ్ చేస్తున్నాను. కేవలం సినిమా నా భారంపైనే మోసే అవకాశం రావడం నిజంగా అదృష్టమే అని అనుష్క పేర్కొన్నది.

నాపై పెళ్లి ఒత్తిడి పెరిగింది

బాహుబలి తర్వాత నా పెళ్లి గురించిన వార్తలు రావడంతో ఒత్తిడి పెరిగింది. కుటుంబ సభ్యులు కూడా పెళ్లి చేసుకోమని చెబుతున్నారు. మీడియాలో కూడా ఎక్కడ పడితే పెళ్లి గురించి రూమర్లే వస్తున్నాయి అని అనుష్క చెప్పింది

పిల్లలంటే నాకు ఇష్టం

నాకు పెళ్లి పట్ల మంచి నమ్మకం, విశ్వాసం ఉంది. కానీ సరైన సమయంలో వివాహం చేసుకొంటాను. నాకు పిల్లల్ని కనాలనే కోరిక ఉంది. పిల్లలంటే నాకు చాలా ఇష్టం అని చెప్పింది.

సరైన సమయంలో పెళ్లి

ఎవరో ఒకరిని పెళ్లి చేసుకోవడం అంటే నాకు ఇష్టం ఉండదు. నా మనసుకు నచ్చిన వ్యక్తిని పెళ్లి చేసుకోవాలనుకొంటున్నాను. అదే విషయాన్ని నా తల్లిదండ్రులు చెబుతున్నారు. సరైన సమయం కోసం వేచి చూస్తున్నాను అని జేజేమ్మ తన మనసులో మాట బయటపెట్టింది.

50 కోట్ల క్లబ్‌లో భాగమతి

తాజాగా అనుష్క నటించిన భాగమతి చిత్రం కలెక్షన్లపరంగా దూసుకెళ్తున్నది. ఇప్పటికే 50 కోట్ల గ్రాస్ వసూళ్లను సాధించింది. ఈ చిత్రం రెండోవారంలోకి ప్రవేశించినా ఇంకా ప్రేక్షకాదరణ తగ్గకపోవడంపై చిత్ర యూనిట్ ఆనందాన్ని వ్యక్తం చేస్తున్నది.