ఆ సినిమా గురించి ఏ మాత్రం పట్టించుకోను...అనుష్క

ఓ హిట్‌ సినిమా చేజారిపోయింది అని బాధ పడను. ఒక వేళ ఆ సినిమాలో నేను నటించి ఉంటే ఫలితం మరోలా ఉండేదేమో? ఎవరు చెప్పగలరు అంటోంది అనుష్క. మీరేమన్నా హిట్ సినిమాలు వదులకుని ఆ తర్వాత భాధపడ్డారా అని అడిగినప్పుడు ఇలా స్పందించింది. అలాగే...నా నిర్ణయం ఎప్పుడూ తప్పు కాలేదు. కథ వింటున్నప్పుడే ఆ సినిమా పరిస్థితి ఏమిటో చాలా వరకూ తెలిసిపోతుంది. నేను కథ నచ్చక వదులుకొన్న సినిమాల ఫలితాలు ఏమంత గొప్పగా ఏమీ రాలేదు. అయినా ఒక్కసారి నేను సినిమా వదులుకొంటే ఆ సినిమా గురించి ఏ మాత్రం పట్టించుకోను అంది. ఇక అనుష్క తాజాగా పవన్ కళ్యాణ్,సింగీతం శ్రీనివాసరావు దర్సకత్వంలో రూపొందుతున్న జీసస్ క్ట్రైస్ట్ అనే చిత్రంలో ఎంపికయింది. అలాగే ప్రభాస్ సరసన రెబెల్ చిత్రంలోనూ, నాగార్జున సరసన ఢమరుకం చిత్రంలోనూ కమిటైంది.