ఆ సంఘటనలే "అప్పట్లో..." కథకు స్పూర్థి : టాక్సినివారం లో దర్శకుడు సాగర్

ఆ ఆలోచనే అప్పటికి లేదు:

అనే విషయం చెప్పేముందు అప్పట్లో ఒకడుండేవాడు స్క్రిప్ట్ నుంచీ స్క్రీన్ వరకూ జర్నీ ఇలా సాగింది? ఆవిషయం చెప్పటానికి ముందు నా మొదటి సినిమా అయ్యారే గురించి చెప్పుకోవాలి... నిజానికి ఆసినిమా అనుకున్నంతగా ఆడలేదు. అనుకోని అవాంతరాలు చాలానే వచ్చాయ్. ఒక సేయింగ్ ఉంది కదా..." మనది కానిదేదీ మనది కాదు.., మంది కావాల్సింది దక్కకుండా పోదూ అని" అలాగే అయ్యింది ఆసినిమా విషయం లో. నిజానికి అసలు నిత్యానంద గారి పై సెటైర్ గా ఆ సినిమా అన్న ఆలోచనే అప్పటికి లేదు.

రామ్ గోపాల్ వర్మ లా:

కానీ సినిమా వచ్చే నాటికి ఆ ముధ్ర పడిపోయింది. అంతే కాదు అప్పుడు కొందరిచ్చిన సలహా ఏమిటంటే పబ్లిసిటీ కోణం లో కూడా చూడమని, రామ్ గోపాల్ వర్మ లా కాస్త ట్రై చేయమని. అదే దెబ్బకొట్టింది నిత్యానంద లాంటి మేకప్ తో ఉన్న పోస్టర్ చూడగానే వెళ్ళాల్సిన మెసేజ్ వెళ్ళిపోయింది. అప్పటికీ ఒక ప్రెస్ మీట్ పెట్టి అసలు నిత్యానంద కీ ఈ సినిమాకీ ఎలాంటి సంబందమూ లేదని చెప్పి ఉండాల్సింది. కానీ అదీ చేయలేక పోయాను. ఇప్పటికీ ఆ సినిమా నిత్యానంద స్వామి మీద సెటైర్ అనుకునే వాళ్ళు ఉన్నారు.

ఒక కథలా అనుకోలేదు:

కానీ అది క్లీన్ యూ సినిమా... కానీ ఆడలేదు. ఇక అక్కడితో ఆ కథ ముగిసింది. ఆతర్వాత నేను రెండు సినిమాలు చేయాల్సింది కానీ... అవీ సెట్స్ వరకూ వచ్చి ఆగిపోయాయి. అందులో ఒకటి నారా రోహిత్ గారి తో అనుకున్న సినిమా.. ఆ సమయం లోనే విష్ణు కలిసారు (అప్పట్లో ఒకడుండేవాడు లో రైల్వేరాజు) ... అసలు ముందు అప్పట్లో... ని ఒక కథలా అనుకోలేదు జస్ట్ ఒక స్క్రీన్ ప్లే ఫార్మాట్ లోనే అనుకున్నాం... పేరు కూడా ఏం అనుకోలేదు... నాకు నేనైతే సూడో రియాలిటీ అని అనుకున్నాం. దానిలో కొన్ని నేను నిజంగా చూసిన సంఘటనలనీ కలుపుకున్నాను...

కండక్టర్ కి సపోర్ట్ చేసాడు:

ఒకసారేమైందంటే 90లలో ఒక సారి ఆర్టీసీ బస్ ఎక్కాను అదే బస్ ఎక్కిన ఒక కానిస్టేబుల్ టికెట్ తీసుకోవటానికి ఒప్పుకోలేదు... దాంతో కండక్టర్ కీ ఈ కానిస్టేబుల్ కీ మధ్య చిన్న గొడవ జరిగింది. దాన్లో ఒక ఇంటర్మీడియట్ కుర్రాడు కండక్టర్ కి సపోర్ట్ చేసాడు. అప్పటికి ఆ కథ ముగిసినా కొన్నాళ్ళకి ఆ వూరి చుట్టు పక్కల కూంబింగ్ జరుగుతోంది అదే సమయం లో లేట్ గా ఇంటికి వస్తున్న అదే కుర్రాడు వీళ్ళకి కనిపించాడు.

చిత్ర హింసలు పెట్టారు:

ఆ కూంబింగ్ బ్యాచ్ లో ఉన్న కానిస్టేబుల్ అతన్ని గుర్తు పట్టి అతన్ని పట్టుకొని ఒక వారం పాటు చిత్ర హింసలు పెట్టారు. ఆతర్వాత వదిలేసారు. అప్పుడు నాకనిపించింది రాజ్యం చేతులు చాలా బలమైనవి.. అధికారం చాలా కౄరమైనదీ అని., ఆతర్వాత నల్గొండకి షిఫ్ట్ అయ్యాక పోలీస్ క్వార్టర్స్ దగ్గరలో ఉండేవాళ్లం మా ఇంటిపక్కనే ఒక సీఐ ఉండేవాళ్ళూ. చాలా సరదాగా ఉండేవాళ్ళాయన.

అయిదుగురు చనిపోయారు:

అక్కడ వాతావరణం కూడా కొత్తగా ఉండేది. పోలీస్ పెరేడ్స్, గన్స్, జీపులూ, ఎప్పుడైన్నా పతంగ్ కొమ్మల్లో ఇరుక్కుంటే కానిస్టేబుల్స్ చెట్టెక్కి తీసిచ్చేవాళ్ళు.. అలాంటి సమయం లో నే నిజామాబాద్ దగ్గరలో నక్సలైట్లు పెట్టిన మందుపాతర పేలి రోజూ మాతో ఉండే కానిస్టేబుల్స్ లో అయిదుగురు చనిపోయారు. ఇది మొదటి సంఘటనకి పూర్తి వ్యతిరేకం. అంటే మనం బియాండ్ గా చూసినప్పుడు ఏ సిస్టం లో అయినా దాని లోపాలు దానికుంటాయి.

రెండు వేరు వేరు కోణాలనుంచి :

అసలు సిస్టం ఈస్ మేడ్ ఆఫ్ హ్యూమన్స్., ఏ వైపునుంచి చూస్తే అది కరెక్ట్ అనిపించినా రెండో వైపు నుంచి చూస్తే మాత్రం అది తప్పుగా కనిపిస్తుంది. ఇలాంటి రెండు వేరు వేరు కోణాలనుంచి ఉండే రెండు క్యారెక్టర్లు ఉండాలనుకున్నాం. ఒకటి ఉన్న సిస్టం కి వ్యతిరేకంగా కనిపించాలి..

మరోటి సిస్టం తోనే నడుస్తున్నట్టు కనిపించాలి.

ఈ ఆలొచనలతోనే ఒక్కొక్క క్యారెక్టర్నీ డిజైన్ చేసుకుంటూ వచ్చాం. నారా రోహిత్ గారి క్యారెక్టర్ కావొచ్చు, శ్రీవిష్ణు గారి పాత్ర కావచ్చు ఒక్క రోజులో అయిపోయింది కాదు... అలా చాలా స్ట్రగుల్ తర్వాత అప్పట్లో ఒకడుండేవాడు తెరమీదకి వచ్చింది. అంటూ మరిన్ని విషయాలని షేర్ చేసుకున్నారు ఈ యువ దర్శకుడు.

అమ్మ అరియన్ సినిమా:

ప్రతీ శనివారం రవీంధ్ర భారతి మినీ హాల్ లో రెండు షార్ట్ ఫిలిం ల ప్రదర్శనా, ఆతర్వాత ఉత్సాహవంతులైన మూవీ మేకర్స్ కి అనుభవఙ్ఞుల తో మాట్లాడే అవకాశం ఉంటోంది ఈ వారం సాగర్ చంద్ర చెప్పిన విషయాలు అయితే ఇక ఫిబ్రవరి రెండో శనివారం ప్రముఖ జర్నలిస్ట్ కందుకూరి రమేష్ బాబు గారితో "టాక్@సినివారం" ఉంటుంది . ఇందులో కేరళ కి చెందిన జాన్ అబ్రహం క్రౌడ్ ఫండింగ్ తో చేసిన అమ్మ అరియన్ సినిమా కి సంబందించిన విషయాలతో పాటు తెలంగాణ సినిమా కి ఏ పద్ధతులు ఉపయోగమో ఒక గంట పాటు సాగే టాక్ లో వివరిస్తారు. సాగర్ చంద్ర పూర్తి ఇంటర్వ్యూ కింద ఉన్న వీడియో లో చూడవచ్చు