Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఎస్పీ బాలుతో భారీ స్థాయిలో ప్లాన్ రెడీ చేసుకున్న ఏఆర్.రెహమాన్.. ఆ కోరిక తీరకుండానే..
గాన గంధర్వుడు ఎస్పీ.బాలసుబ్రహ్మణ్యం మరణించి రోజులు గడుస్తున్నా ఇంకా ఆయన కళ్ళముందే ఉన్నట్లు అనిపిస్తోందని చాలా మంది సంగీత దర్శకులు భావోద్వేగానికి లోనవుతున్నారు. అందులో ఏఆర్.రెహమాన్ ఒకరు. ఒక ఆస్కార్ విన్నర్ అయినప్పటికీ రెహమాన్ బాలు గారి వద్ద ఒక చిన్నపిల్లవాడిలానే ఉంటాడని అందరికి తెలిసిందే. SPB అంటే ఆయనకు అమితమైన భక్తి. అయితే గత కొన్ని నెలల క్రితమే రెహమాన్ బాలుతో ఒక ప్లాన్ గురించి చర్చించడం జరిగింది. చివరికి అది తీరకుండానే ఊహించని విషాదం చోటు చేసుకుంది.
ఆ విషయాన్ని గుర్తు చేస్తూనే ఉన్నారు
రెహమాన్ ఎక్కడ సంగీత కచేరిలు జరిపినా ఎస్పీ.బాలసుబ్రహ్మణ్యంను తీసుకువెళ్లాలి అనే ఆలోచిస్తారు. కొన్నిసార్లు అనుకోకుండా మిస్ అవ్వడమే గాని దాదాపు వీరి కలయికలో అనేక రకాల ఈవెంట్స్ జరుగుతూనే ఉంటాయి. అయితే కరోనా కారణంగా ఒక ఈవెంట్ ఆగిపోయింది. ఇక దాన్ని వాయిదా వేయక తప్పలేదు. ఈ విషయాన్ని రెహమాన్ చాలాసార్లు SPB గారికి గుర్తు చేశారట.
రెహమాన్ కోరిక నెరవేరకముందే..
గతంలో ఒక ఇంటర్వ్యూలో కూడా రెహమాన్ ఈ విషయాన్ని చెప్పారు. భారీ స్థాయిలో ఎస్పీబీ గారితో కలిసి మ్యూజికల్ కన్సెర్ట్ నిర్వహించబోతున్నట్లు చాలా క్లియర్ గా వివరణ ఇచ్చారు. అయితే ఇప్పుడు రెహమాన్ కోరిక నెరవేరకముందే బాలు వీడ్కోలు పలికారు. ఇందుకు సంబంధించిన టాపిక్ ప్రస్తుతం వైరల్ గా మారింది.
రోబో సినిమాలో టైటిల్ సాంగ్ కోసం
రెహమాన్ కెరీర్ లో మొదటి పాటను ఎస్బీబితోనే పాడించారు. బాలు 50ఏళ్ల సినీ కెరీర్ లో 40వేల పాటలు పాడారు. ఇక అందులో ఇళయరాజా తరువాత బెస్ట్ మెలోడీస్ రెహమాన్ సమకూర్చినవనే చెప్పాలి. ప్రయోగాత్మకమైన ట్యూన్స్ చేయాలి అంటే రెహమాన్ మనసులో గుర్తొచ్చేది మొదట బాలుగారే. రోబో సినిమాలో టైటిల్ సాంగ్ కోసం ముందుగా మరొక సింగర్ ని అనుకున్నప్పటికి చివరికి బాలుతోనే పాడించారు.
Recommended Video
వారిద్దరు కలిసిన ప్రతి సారి..
రెహమాన్, ఎస్పీబీ కలిసిన ప్రతి సారి ఎదో ఒక అద్భుతమైన పాట రాబోతోందని ఈజిగా అర్థం చెసుకోవచ్చు. అలాంటి ఈ కాంబినేషన్ లో ఇక పాటలు రావనే విషయం నిజంగా సంగీత ప్రియుల మనసులను కలచి వేస్తున్నాయి. ఎస్పీ బాలసుబ్రహ్మణ్యం సెప్టెంబర్ 25న కన్నుమూసిన విషయం తెలిసిందే. ఆయన మరణంతో ప్రపంచ వ్యాప్తంగా ఉన్న కోట్లాది మంది అభిమానులలు తీవ్ర మనోవేదనకు గురయ్యారు. రెహమాన్ కూడా ఒక స్పెషల్ వీడియో ద్వారా ఆయనకు నివాళులర్పించారు.