కె విశ్వనాధ్, రెహమాన్‌ కలిసి..

ప్రముఖ దర్శకుడు కె.విశ్వనాథ్‌తో కలిసి త్వరలో ఒక క్లాసికల్‌ ఆల్బమ్‌ చేయనున్నట్లు ప్రముఖ సంగీత దర్శకుడు ఎ.ఆర్‌.రెహమాన్‌ తెలిపారు.దివంగత ముఖ్యమంత్రి డా వై.యస్‌.రాజశేఖర్‌రెడ్డి స్మారకార్ధం రెహమాన్‌ 'జయహో కాన్సర్ట్‌" పేరుతో ఈ నెల 24న హైదరాబాద్‌లోని గచ్చిబౌలి స్టేడియంలో సంగీత విభావరి నిర్వహించనున్నారు. ఈ సందర్భంగా జరిగిన మీడియా సమావేశం లో ఈ విషయం తెలిపారు. అలాగే సంగీతం విశ్వవ్యాప్తమని, తెలుగువారి అభిమానం కూడా విశాలమని రెహ్మాన్‌ అన్నారు. అంతేకాకుండా రెండు హాలీవుడ్‌ చిత్రాలకు సంగీతం చేస్తున్నానని అన్నారు. అలాగే రహమాన్ పవన్ కళ్యాణ్ పులి చిత్రానికి సంగీతం అందిస్తున్న సంగతి తెలిసిందే.