అజ్ఞాతవాసి ఫ్లాప్‌తో తివిక్రమ్ స్థాయి తగ్గదు.. అలాగైతే నాకు ఫ్లాప్‌లు.. కానీ టెన్షన్‌గా.. ఎన్టీఆర్

రిలీజ్‌కు ముందు టెన్షన్‌‌గానే

అరవింద సమేత చిత్రంతో నాకు ప్రత్యేకమైన అనుబంధం ఏర్పడింది. అలాగే నాకు అత్యంత ఆప్తమిత్రుడు త్రివిక్రమ్ శ్రీనివాస్‌తో సినిమా చేస్తున్నాను. ఇలాంటి అనుబంధాల మధ్య సినిమా ప్రేక్షకుల మధ్యకు వెళ్తున్నదంటే టెన్షన్‌గానే ఉంటుంది. మా ఇద్దరి కాంబినేషన్‌లో వస్తున్న చిత్రం ఓ సక్సెస్‌ఫుల్ చిత్రంగా మారితే ఓ మంచి మెమొరీగా మారుతుందని అనుకొంటున్నాను.

నాకు వరుస ఫ్లాపులున్నాయి కదా

నేను నటించిన చిత్రాలు వరుస విజయాలు సాధించినంత మాత్రాన ఓ ఫ్లాఫ్ డైరెక్టర్‌తో నటించకూడదనే రూల్ ఏమీ లేదు. ఒక సినిమా ఫ్లాప్ అయినంత మాత్రాన ఆయన ప్రతిభ తగ్గిపోతుంది. సినిమా ఇండస్ట్రీలో సక్సెస్, ఫెయిల్యూర్ సర్వసాధారణం. అలా అంటే నేను నటించి చిత్రాలు వరుసగా ఫ్లాప్ అయితే నాతో సక్సెస్‌ఫుల్ డైరెక్టర్లు సినిమా తీయలేదా అని ఎన్టీఆర్ అన్నారు.

Recommended Video

Aravinda Sametha Movie Had A Change

ఫెయిలైనంత మాత్రాన కెపాసిటీ తగ్గుతుందా?

త్రివిక్రమ్‌కు అజ్ఞాతవాసి లాంటి ఫ్లాప్ ఉండొచ్చు. ఒక చిత్రం ఫెయిలైనంత మాత్రాన ఆయన సత్తా, కెపాసిటీ తగ్గిపోతుందా? ఒక విఫల ప్రయత్నం ఆయన స్థాయిని తగ్గిస్తుందని అనుకొను. మంచి, చెడు సినిమాలు వచ్చిన ఆయన పడే కష్టం ఒకటే. ఎన్నో ప్రయత్నాలు చేస్తుంటాం. అన్నీ సఫలం కావు. అంత మాత్రాన విఫలమయ్యామని బాధపడలేం కదా. మళ్లీ సక్సెస్ వచ్చేంత వరకు ప్రయత్నించాలి.

బలమైన కథ, పాయింట్‌తో

కొన్నిసార్లు టైటిల్ కథను చెప్పలేకపోవచ్చు. కానీ అరవింద సమేత టైటిల్ కచ్చితంగా కథను చెప్పుతుంది. ఏ సినిమా అయినా ప్రేక్షకుడిని కథలో లీనం చేయాలి. మగవాడికి మహిళ బలమైన ఆయుధం అనే పాయింట్‌ను, మహిళా సాధికారితను కథలో బలంగా చెప్పగలిగాం అని ఎన్టీఆర్ అన్నారు.

స్టార్ హీరో ఇమేజ్‌కు దూరంగా

కథ ఏదైనా, కథనం ఎలా ఉన్నా, సబ్జెక్ట్ ఏదైనా ప్రేక్షకుడిని ఎంగేజ్ చేయాలి. స్టార్ హీరోతో చేసేటప్పుడు ఇమేజ్ బ్రేక్ చేయడానికి ప్రయత్నించాం. ఈ సినిమాలో హీరో ఇమేజ్‌కు దూరంగా కథను నిజాయితీగా చెప్పాలి. అందుకే అరవింద సమేత కచ్చితంగా ప్రేక్షకుడు చూడాలి. వారికి నచ్చుతుంది అని త్రివిక్రమ్ అభిప్రాయపడ్డారు.