పెళ్ళికాలేదంటూ..స్టార్ హీరోయిన్

By Staff

| Published: Saturday, January 24, 2009, 11:41 [IST]

స్టార్ హీరోయిన్ కత్రినా కైఫ్ పెళ్ళి టాపిక్ హఠాత్తుగా బాలీవుడ్ లో సంచలనం అయింది. దానికి కారణం ఆమె లవర్ సల్మాన్ ఖాన్ తండ్రి సలీం ఖాన్(ప్రముఖ స్క్రిప్టు రైటర్) తాజాగా శివసేన అధికార పత్రిక 'సామ్నా' కిచ్చిన ఇంటర్వూ. అందులో తన కొడుకు సల్మాన్‌ఖాన్‌, బాలీవుడ్‌ నటి కత్రినా కైఫ్‌ల మధ్య ఎప్పుడో పెళ్ళయిపోయిందంటూ ఆయన పేర్కొన్నారు. అలాగే ఆ పెళ్ళికి మతం,కులం వంటి హద్దులు లేవంటూ తనకూ హెలెన్ కూ జరిగిన వివాహాన్ని పేర్కొన్నాడు.

అంతేగాక తన మరో కుమారుడు అర్భాజ్ ఖాన్ తమ మతం కాని మలైకా అరోరాని పెళ్ళి చేసుకున్నాడని,సల్మాన్, కత్రినాల వివాహం కూడా అలాంటిదేనన్నాడు. ఇక కత్రినాను ఈ విషయమై కదిలిస్తే కస్సుమంటోంది. నేను పెళ్ళి చేసుకోవటమేమిటని ప్రశ్నిస్తోంది. అదేమి లేదని మీరు చదివిందంతా అబ్ధమేనని ఖండిస్తోంది. అంతేకాక సామ్నా పత్రికపై కేసు వేస్తానంటోంది. సర్లే ఆమే అలా అన్నప్పుడు నాదేమనుకున్నాడో ఏమో సలీంఖాన్‌ కూడా ప్లేటు ఫిరాయించేసాడు. తన మాటల్ని వక్రీకరించారంటూ గొడవ చేస్తున్నాడు.