Don't Miss!
- News ముస్లీం రిజర్వేషన్లపై మాజీ సీఎం సంచలన వ్యాఖ్యలు, మేము వస్తే ఖేల్ కథం !
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Lifestyle మండిపోయే ఎండలో చల్లగా దద్దోజనాన్ని ఇలా చేసుకోండి..?
- Automobiles మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
పవన్ కళ్యాణ్ పాత జ్ఞాపకాలను పంచుకున్న అర్జున్ రెడ్డి దర్శకుడు.. 20 ఏళ్ళ క్రితం అలా..
అర్జున్ రెడ్డి సినిమాతో దర్శకుడిగా పరిచయమైన యువ దర్శకుడు సందీప్ రెడ్డి వంగా బాలీవుడ్ లో ప్రస్తుతం మంచి క్రేజ్ అందుకుంటున్నాడు. అర్జున్ రెడ్డి కథను హిందీలో కబీర్ సింగ్ గా రీమేక్ చేసి ఏకంగా సరికొత్త బాక్సాఫీస్ రికార్డును క్రియేట్ చేశాడు. ఇక రణ్ బీర్ కపూర్ తో మరో లక్కీ ఛాన్స్ కొట్టేసిన విషయం తెలిసిందే. ఆ సినిమాకు ఎనిమల్ అనే టైటిల్ ను ఫిక్స్ చేశారు. ప్రస్తుతం సినిమాకు సంబంధించిన ప్రీ ప్రొడక్షన్ పనులు కొనసాగుతున్నాయి.
ఎలాగైనా ఎనిమల్ సినిమాతో నేషనల్ లెవెల్లో క్రేజ్ అందుకోవాలని సందీప్ గట్టిగానే ప్రయత్నాలు చేస్తున్నాడు. ఆ సినిమా కోసం బడ్జెట్ కూడా గట్టుగానే పెడుతున్నారు. అసలు మ్యాటర్ లోకి వస్తే సందీప్ రెడ్డి ఇటీవల పవన్ కళ్యాణ్ జ్ఞాపకాలను గుర్తు చేసుకున్నాడు. సందీప్ మెగాస్టార్ చిరంజీవితో పాటు పవన్ కళ్యాణ్ ను అమితంగా ఇష్టపడతాడు.
చాలా ఇంటర్వ్యూలతో తన అభిమాన హీరోలు వారేనని పవన్ కళ్యాణ్ తో సినిమా చేయాలని ఉన్నట్లు కోరికను కూడా బయటపెట్టాడు. ఇక ఇప్పుడు పవర్ స్టార్ పై అభిమానంతో దాచుకున్న ఒకప్పటి పెప్సీ యాడ్ ఫొటోలను అలాగే ఖుషి, జానీ ఆడియో క్యాసెట్స్ ను సోషల్ మీడియాలో షేర్ చేసుకున్నాడు. గోల్డ్ మైన్ మెమోరీస్ అంటూ ఒక్కసారిగా ఈ జ్ఞాపకాలు 20 ఏళ్ళ క్రితం వెనక్కి తీసుకువెళ్లినట్లు ఉందని ఎమోషనల్ గా ట్వీట్ చేశాడు. దీంతో మెగా అభిమానులు కూడా ఆ ఫొటోలను షేర్ చేసుకుంటూ వారి దగ్గర ఉన్న పాత జ్ఞాపకలను కూడా పోస్ట్ చేస్తున్నారు. మరి సందీప్ రెడ్డి భవిష్యత్తులో పవన్ కళ్యాణ్ తో అవకాశం వస్తే ఎలాంటి సినిమా చేస్తాడో చూడాలి.