షూటింగ్ అనుభవాలతో...‘అర్జున్ రెడ్డి’ మేకింగ్ వీడియో

విజయ్ దేవరకొండ, శాలిని పాండే హీరో హీరోయిన్లుగా సందీప్ రెడ్డి దర్శకత్వంలో తెరకెక్కిన చిత్రం 'అర్జున్ రెడ్డి'. భద్రకాళి పిక్చర్స్ పతాకంపై ప్రణయ్ రెడ్డి వంగ నిర్మించిన ఈ సినిమా బాక్సాఫీసు వద్ద బ్లాక్ బస్టర్ టాక్ తెచ్చుకుంది.

చిత్ర నిర్మాతలు తాజాగా మేకింగ్ వీడియో రిలీజ్ చేశారు. సినిమా షూటింగ్ జరిగిన తీరు, షూటింగ్ సమయంలో నటీనటుల, టెక్నీషియన్స్ అనుభవాలను పొందుపరుస్తూ ఓ వీడియో రిలీజ్ చేశారు.

దాదాపు 30 నిమిషాల నిడివిగల ఈ యూట్యూబ్ వీడియో సినిమా చిత్రీకరించిన తీరు, సినిమా కోసం దర్శక నిర్మాతలు, నటీనటులు, టెక్నీషియన్స్ ఎంత కష్టపడ్డారు అనేది కళ్లకు కట్టినట్లు చూపిస్తుంది.