పెళ్లికి ముందే ప్రెగ్నెంట్, కేటీఆర్ ఏంటిది? ‘అర్జున్ రెడ్డి’ని ఆపండి: వీహెచ్

యువత చెడిపోతున్నారు

‘అర్జున్ రెడ్డి' సినిమా చూసి యువత చెడిపోతున్నారని, వెంటనే ఈ సినిమాను నిలిపి వేయాలని, ఈ సినిమా వల్ల సమాజంలోకి చెడు సంకేతాలు వెలుతున్నాయని కాంగ్రెస్ పార్టీ నేత వి.హనుమంతరావు మండి పడ్డారు.

అభ్యంతరకర సీన్లు

‘అర్జున్ రెడ్డి' చిత్రంలో విపరీతంగా డ్రగ్స్ తీసుకోవడం చూపించారు. ర్యాగింగ్ చేసి పెళ్లికి ముందే ప్రెగ్నెంట్ చేసిన సీన్లు ఉన్నాయి. ఇలాంటి అభ్యంతరకర సీన్లు చాలా ఉన్నాయి. ఇలాంటి వాటి వల్ల యువత చెడిపోతుందని విహెచ్ ఆనందోళన వ్యక్తం చేశారు.

కేటీఆర్ ఏంటిది?

‘అర్జున్ రెడ్డి' లాంటి సినిమాలను తప్పుబట్టడం పోయి... మంత్రి కేటీఆర్ లాంటి వారు సినిమాను సపోర్టు చేస్తూ కామెంట్స్ చేయడం ఏమిటి? ఒక మంత్రి స్థాయిలో ఉండి ఆయన యువతకు ఏం సందేశం ఇవ్వదలుచుకున్నారు? అని వీహెచ్ ప్రశ్నించారు.

సెన్సార్ బోర్డుకు, సీపీకి కంప్లయింట్

‘అర్జున్ రెడ్డి' సినిమాపై అభ్యంతరం వ్యక్తం చేస్తూ మంగళవారం ఆయన సెన్సార్ బోర్డుకు, నగర పోలీస్ కమీషనర్‌కు ఫిర్యాదు చేశారు. సీఎం కేసీఆర్ వెంటనే రంగంలోకి దిగి ఈ సినిమాపై తగిన చర్యలు తీసుకోవాలని సూచించారు.