తమిళ అర్జున్‌రెడ్డి మరో షాకింగ్ న్యూస్.. అసిస్టెంట్ డైరెక్టరే..

ఆదిత్య వర్మగా రీ షూట్

ప్రస్తుతం వర్మ టైటిల్‌ను మార్చేసి ఆదిత్య వర్మగా తెరకెక్కుతున్న సినిమాకు గిరీశయ్య దర్శకుడు. గిరీశయ్య తెలుగు అర్జున్ రెడ్డి సినిమాకు అసిస్టెంట్‌ డైరెక్టర్‌గా పనిచేశాడు. ఈ సినిమా షూటింగ్ ప్రస్తుతం పోర్చుగల్‌లో శరవేగంగా జరుగుతున్నది. ఆసక్తికరమైన సన్నివేశాలతో ఈ సినిమాను తెలుగుకు భిన్నంగా రూపొందిస్తున్నట్టు సమాచారం.

65 శాతం మేర పూర్తి

అయితే ఆదిత్య వర్మ సినిమాకు సంబంధించిన ఓ అప్‌డేట్ మీడియాలో సంచలనం రేపింది. ఈ సినిమాకు సంబంధించిన విషయంపై సినిమాటోగ్రాఫర్ రవి కే చంద్రన్ తన ట్విట్టర్‌లో స్పందించారు. షూటింగ్ స్పాట్‌కు సంబంధించిన స్టిల్‌ను పోస్టు చేస్తూ.. ఆదిత్య వర్మ షూటింగ్ 65 శాతం పూర్తయింది. ఇది ఓ రికార్డు. చిత్ర యూనిట్‌కు థాంక్స్ అని ట్వీట్ చేశారు.

ధ్రువ్ సరసన బనిత సంధూ హీరోయిన్‌గా

ఆదిత్య వర్మ రీ షూట్ మార్చి నెలలో ప్రారంభమైన సంగతి తెలిసిందే. నెలల వ్యవధిలోనే 65 శాతం పూర్తి కావడం సెన్సేషన్‌గా మారింది. విక్రమ్ తనయుడు ధృవ్ సరసన బనిత సంధూ హీరోయిన్‌గా నటిస్తున్నది. రాధాన్ మ్యూజిక్ డైరెక్టర్‌గా వ్యహరిస్తున్నారు.

హిందీలో అర్జున్ రెడ్డి క్రేజీగా

ఇదిలా ఉండగా, హిందీ అర్జున్ రెడ్డి మే నెలలో రిలీజ్‌కు సిద్దమవుతున్నది. కబీర్ సింగ్‌గా ఈ చిత్రం రీమేక్ అయిన సంగతి తెలిసిందే. ఈ చిత్రంలో షాహీద్ కపూర్, కియారా అద్వానీ హీరో, హీరోయిన్లుగా నటిస్తున్నారు. ఇటీవల విడుదలైన ట్రైలర్‌కు మంచి రెస్పాన్స్ వచ్చింది. ఒరిజినల్ కంటే హిందీలోనే బాగుందని షాహీద్ కపూర్‌ను ప్రభాస్ ప్రశంసించారు.