సల్మాన్ థాంక్స్: ప్రియుడితో ఘనంగా చెల్లి పెళ్లి (ఫోటోస్)

By Bojja Kumar

Updated: Tuesday, November 18, 2014, 19:07 [IST]

హైదరాబాద్: సల్మాన్ ఖాన్ చెల్లి పెళ్లితో హైదరాబాద్ ఫలక్ నుమా ప్యాలెస్ సందడిగా మారింది. సాయంత్రం 6గంటలు సల్మాన్ సోదకి అర్పితా ఖాన్ వివాహం ఆయుష్ శర్మతో జరిగింది. ఈ వివాహ వేడుక సందర్భంగా సల్మాన్ ఖాన్ ఎంతో సంతోషంగా కనిపించారు. ట్విట్టర్ ద్వారా తన ఆనందాన్ని పంచుకున్నారు. తన సోదరికి విషెస్ తెలిపిన అందరికీ ట్విట్టర్ ద్వారా సల్మాన్ థాంక్స్ చెప్పారు.

హైదరాబాద్ లోని చారిత్రక ఫలక్ నుమ ప్యాలెస్ లో మంగళవారం సాయంత్రం 5 గంటలకు ఫర్మానా, 6 గంటలకు వివాహం జరిగింది. 8 గంటలకు బారాత్ ఉంటాయని సల్మాన్ కుటుంబ సభ్యులు తెలిపారు. వినోద కార్యక్రంలో సల్మాన్ ఖాన్ తో పాటు మలైకా అరోరా ఖాన్ తదితరులు హాజరవుతున్నారు. హిందూ, ముస్లిం సాంప్రదాయం ప్రకారం వివాహం జరిగింది. వరుడి తరుపున పురోహితుడు, వధువు తరుపున మత పెద్ద పాల్గొన్నట్లు సమాచారం.

ఈ పెళ్లి వేడుక కోసం ఫలక్ నుమ ప్యాలెస్ వాడుకున్నందుకుగాను రూ. 2 కోట్లు చెల్లిస్తున్నారు. అంతే కాకుండా ముద్దుల చెల్లికి పెళ్లి కానుకగా రూ. 16 కోట్లు విలువ చేసే 3 బెడ్ రూం ఫ్లాట్ గిప్టుగా ఇస్తున్నాడు సల్మాన్ ఖాన్.

స్లైడ్ షోలో సల్మాన్ ఖాన్ సోదరి అర్పితా ఖాన్‌ వివాహానికి సంబంధించిన ఫోటోలు...