ఫోటోలు: సాహో యాక్షన్ సీన్స్ కోసం వాడే కార్లు ఇవే.. అదిరిపోవడం ఖాయం!

ఎక్కువ భాగం విదేశాల్లోనే

సాహో చిత్రానికి సంబందించిన ఎక్కువభాగం షూట్ దుబాయ్, అబుదాబి, రొమేనియాలో జరుగుతోంది. చాలా రోజులుగా ఈ ప్రాంతాలలోనే షూటింగ్ శరవేగంగా జరుగుతోంది. సల్మాన్ ఖాన్ టైగర్ జిందా హై తరువాత ఎక్కువ బడ్జెట్ తో దుబాయ్ లో షూట్ జరుపుకుంటోన్న చిత్రం సాహో కావడం విశేషం.

90 కోట్లు యాక్షన్ సీన్స్ కోసమే

కనివిని ఎరుగని యాక్షన్ సన్నివేశాలతో ఈ చిత్రం హాలీవుడ్ స్థాయిలో రూపొందుతోంది. ఏకంగా యాక్షన్ సన్నివేశాలకే 90 కోట్లు వెచ్చిస్తున్నారు అంటే పరిస్థితి అర్థం చేసుకోవచ్చు.

కారు సన్నివేశాలు

అరుణ్ విజయ్ సాహో చిత్ర షూట్ లో జాయిన్ అయ్యాక తాజాగా కొన్ని ఫోటోలని సోషల్ మీడియాలో షేర్ చేసాడు. భారీ స్థాయిలో కారులతో చిత్రీకరిస్తున్న యాక్షన్ సన్నివేశాలకు సంబందించిన ఫోటోలు పోస్ట్ చేశాడు. అబుదాబిలో ఈ షూటింగ్ జరుగుతోంది. ఆ మధ్యన బైక్ పై ప్రభాస్ స్టంట్స్ చేస్తున్న ఫోటోలు వైరల్ అయిన సంగతి తెలిసిందే.

బిగ్గెస్ట్ యాక్షన్ చిత్రం

ఇండియన్ చిత్రాలలో సాహో బిగ్గెస్ట్ యాక్షన్ చిత్రం కాబోతోందని విలన్ పాత్ర పోషిస్తున్న నీల్ నితిన్ ముఖేష్ ఇటీవల అన్నారు. మందిరా బేడీ, ఎవిలిన్ శర్మ వంటి ప్రముఖ తారలు ఈ చిత్రంలో కీలక పాత్రల్లో నటిస్తున్నారు.