అమ్మో!అరుంధతి పేరడీలు

By Staff

Published: Wednesday, February 18, 2009, 11:21 [IST]

హిట్టయిన చిత్రంలోని పాత్రలను,సన్నివేశాలను పేరడి చేసి నవ్వించి నాలుగు డబ్బులు చేసుకోవటం ఫిల్మ్ ఇండస్ట్రీలో మామూలే. అయితే తాజాగా సూపర్ హిట్టయిన అరుంధతి సినిమాను కూడా పేరడి చేస్తున్నారని వినికిడి. షూటింగ్ పూర్తయిన ఓ పెద్ద హీరో చిత్రంలో గబగబా ఈ చిత్రానికి సంబంధించిన పేరడీ సన్నివేశాలు తీసి కలిపే ప్రయత్నాల్లో ఉన్నట్లు తెలుస్తోంది. అదేంటి మొదట స్క్రిప్టులో అనుకోలేదు కదా అంటే అరుంధతి రిలీజై ఇంత హిట్టవుతుందని కలగన్నామా...అయ్యింది..కాబట్టి కాలంతో పరుగెట్టడం కోసం ఈ ప్రయత్నం చేయక తప్పదు అని సదరు దర్శకుడు, నిర్మాతకు బోధించాడని సమాచారం.

ఇదిలా ఉంటే..అరుంధతి ప్రేరణతో కామిడీ చిత్రాల దర్శకుడు శ్రీనివాస రెడ్డి ఓ చిత్రాన్ని ప్లాన్ చేస్తున్నట్లు విశ్వసనీయంగా తెలుస్తోంది. కమిడియన్ కృష్ణ భగవాన్ ఈ కాన్సెప్ట్ అందించి తాను మాటలు అందిస్తానని ప్రామిస్ చేసాడని చెప్పుకుంటున్నారు. అలాగే మరో ఇద్దరు తెలుగు రచయితలు కూడా దర్శకులకు ఫోన్ చేసి అరుంధతి పేరడి అదిరిపోయేలా వచ్చిందని చెప్తున్నారని తెలుస్తోంది. చూస్తుంటే పైరసీ కన్నా పేరడీనే ఈ సినిమాకు ఎక్కవయ్యటట్లు ఉంది.

గతంలోనూ చంద్రముఖి, అపరిచితుడు పేరడీలు చాలా సినిమాల్లో వచ్చి నవ్వించి, ఆ తర్వాత బోర్ కొట్టించిన సంగతి తెలిసిందే. అయితే వందరోజులు పూర్తయ్యాక పేరడీ చేస్తే ఇబ్బంది ఉండదు.కానీ అంతుకు ముందు చేస్తే..పారిడీ చూసి..ఒరిజనల్ చూస్తే ఆ ఫీల్ రాదు..అంటున్నారు మరికొందరు విశ్లేషిస్తూ...ఏది నిజమో చూడాలాంటే..కొంతకాలం ఆగాల్సిందే.

More from Filmibeat