అరుంధతి శాటిలైట్ రైట్స్ అంతా!?

By Staff

Published: Saturday, January 24, 2009, 10:24 [IST]

శ్యామ్ ప్రసాధ్ రెడ్డి అరుంధతి చిత్రం సూపర్ హిట్ టాక్ తెచ్చుకోవటంతో శాటిలైట్ రైట్స్ కీ కూడా విపరీతమైన పోటీ ఏర్పడిందని సమాచారం. దాంతో ఆయన కూడా ఆ డిమాండ్ ని క్యాష్ చేసుకుందామనే ఆలోచనలో ఉన్నట్లు సమాచారం. అందుకోసమే నాలుగున్నర కోట్ల దాకా చెపుతున్నట్లు విశ్వసనీయ సమాచారం. దాంతో హీరోయిన్ ఓరియెంటెడ్ చిత్రం అంత రేటు పెట్టి కొనుగోలు చేస్తే తర్వాత ఆ రేంజిలో యాడ్స్ వస్తాయా అన్న ఆలోచనలో అంతా ఉన్నారని తెలుస్తోంది.

అయితే ఓ పాపులర్ ఛానెల్ వారు మాత్రం హిందీ సినిమాల పద్దతిలో సినిమా రైట్స్ తీసుకుంటామని చెప్పినట్టు సమాచారం. ప్రస్తుతం చాలా హిందీ సినిమాలును పూర్తిగా ఒకే ఛానెల్ వారు తీసుకోకుండా మొదట తమ ఛానెల్ వేసుకునేందుకు ఇంత రేటని ఇవ్వమని,తర్వాత అది వేరే ఛానెల్ వారు వేసుకోవచ్చునని,అలా మార్కెట్ ఉన్నంత మేర వేర్వేరు ఛానెల్స్ తమ కెపాసిటీని బట్టి ముందు వెనకల్లో వేయటానికి రైట్స్ తీసుకుంటున్నారు. అదే పద్దతే తమకూ అనుసరించమని శ్యామ్ ని అడిగినట్లు తెలుస్తోంది. ఆయన ఆలోచలో ఉన్నారు. ఆయన ఒప్పుకుంటే ఈ పధ్దతి మన ఛానెల్స్ కూడా అలవాటు చేసినట్లువుతుంది.

More from Filmibeat