ఆర్య 2 విడుదల 27న, అయినా సందేహమే!

దర్శకుడు సుకుమార్ పేరు నిజ జీవితంలో తగినదే. కానీ ఆయన సినిమాల్ల్లో తలలు ఎగిరి పడుతుంటాయి. ఆర్య-2 ను ఆయన ప్రతిష్టాత్మకంగా రూపొందించిన విషయం తెలిసిందే. ఆ సినిమా ఎప్పుడు విడుదల అవుతుందా అని అందరూ ఎదురు చూస్తుండగా నిర్మాత ఆదిత్య బాబు నవంబర్ 25 న విడుదల చేస్తున్నామని ప్రకటించారు.

కానీ తాజా సమాచారం ప్రకారం ఆ సినిమాను నవంబర్ 27 న విడుదల చేయనున్నారు. దానికి కూడా ఏదైనా అవాంతరముంటే చెప్పలేం. సుకుమార్ సినిమాలకు సంబంధించి ఏ నిముషానికి ఏం జరిగినా ఆశ్చర్యపోనవసరం లేదు. అయితే సినిమా రిలీజ్ పై గతంలో దట్స్ తెలుగు రాసిన కథనమిద.ఈ చిత్రం రిలీజ్ ని ఓ స్ట్రాటజీ ప్రకారమే చేస్తున్నట్లు తెలుస్తోంది. రామ్ చరణ్ తేజ హీరోగా చేసిన మగధీర వంద రోజులు పూర్యయ్యేదాకా రిలీజ్ చేయకూడదని నిర్ణయించారు. ఎందుకంటే ఆర్య-2 బయ్యర్స్ లో చాలా మంది మగధీర ని కొనుక్కున్నవారే. దాంతో ఆర్య-2 ముందే రిలీజ్ చేస్తే టెమ్ట్ అయి తమ ధియోటర్స్ నుండి మగధీరను తీసేసే అవకాశం ఉంది. ఆ ప్లేసులో ఆర్య-2 వేసేస్తారు. దాంతో వందరోజుల పండుగకు ఇబ్బంది వస్తుంది. మరో ప్రక్క రామ్ చరణ్ అభిమానులు గొడవలూ చేయవచ్చు. అందులోనూ కొత్తగా కలిపిన సీన్స్ వల్ల మగధీర కలెక్షన్స్ మళ్ళీ పుంజుకున్నాయి. ఇవన్నీ దృష్టిలో పెట్టుకునే రిలీజ్ ని వాయిదా వేసారు.