బూతు సినిమా రీమేక్‌లో...ఆర్య, హన్సిక, అంజలి!

By Bojja Kumar

| Published: Sunday, November 18, 2012, 10:26 [IST]

చెన్నయ్ : హిందీలో సంచనల విజయం సాధించిన చిత్రం'ఢిల్లీ బెల్లీ'. ఈ చిత్రం కేవలం పెద్దలకు మాత్రమే పరిమితమైన బూతు సినిమా. ఈ చిత్రంలో బూతులున్నాయి జాగ్రత్త అంటూ అప్పట్లో బాలీవుడ్ స్టార్ అమీర్ ఖాన్ కూడా ప్రకటించారు. తాజాగా ఈ చిత్రం ఇప్పుడు తెలుగు, తమిళ భాషల్లో నిర్మాణమవుతోంది.

'ఢిల్లీ బెల్లీ' చిత్రాన్ని నిర్మించిన 'యూ టీవీ మోషన్ పిక్చర్స్' సంస్థనే ఇప్పుడు ఈ రెండు భాషల్లో కూడా పునర్నిర్మిస్తోంది. ఆర్య, హన్సిక, అంజలి ముఖ్య తారలుగా కన్నన్ దర్శకత్వంలో ఈ చిత్రం రూపొందుతోంది. తెలుగు వెర్షన్ కు 'నాటీ బాయ్స్'గా పేరును నిర్ణయించినట్లు యూ టీవీ సౌత్ ఫిల్మ్స్ ఇంచార్జ్ జి. ధనుంజయన్ తెలిపారు.

మణిరత్నం సినిమాలకు పని చేసిన కన్నన్ ఈ చిత్రాన్ని రూపొందిస్తున్నట్లు ఆయన పేర్కొన్నారు. హిందీ మాతృతకకు పలు మార్పులు చేసి, దక్షిణాది నేటివిటీకి అనుకూలంగా ఈ చిత్రం తెరకెక్కుతున్నట్లు ఆయన తెలిపారు. ఇప్పటికి ఈచిత్రం 70 శాతం షూటింగ్ పూర్తి చేసుకుందని, గత నెలలో స్విట్జర్లాండ్ లో ఆర్య-హన్సికల మీద ఒక పాటను, ఆర్య-అంజలి మీద మరో పాటను చిత్రీకరించినట్లు ఆయన పేర్కొన్నారు.

రెండున్నర గంటలపాటు ఆద్యంతం నవ్వించేలా ఈ చిత్రం ఉటుందని ధనుంజయన్ తెలిపారు. సంతానం, అలీ, ప్రేమ్ జీ, నాజర్ ఈ చిత్రంలో ఇతర ప్రధాన పాత్రలు పోషిస్తున్నారు. తమిళంలో తన పాత్రకు అలీనే డబ్బింగ్ చెప్పుకుంటున్నారట. తమన్ ఈచిత్రానికి సంగీతం సమకూర్చుతున్నారు. మొత్తం ఇందులో 5 పాటలు ఉన్నాయి.

Comments

English summary

 UTV South Head Dhananjayan revealed that the Telugu version of Delhi Belly remake has been titled as ‘Naughty Boys’. Arya, Hansika and Anjali are playing the lead roles in this action comedy.

Story first published: Sunday, November 18, 2012, 10:26 [IST]

Other articles published on Nov 18, 2012