Don't Miss!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ప్రాణాలతో ఆటలా? బుద్ది ఉందా?? ఆ స్టంట్ చేసినందుకు హీరోని తిడుతూనే ఉన్నారు
షూటింగ్ లో డూప్ లకి ప్రమాదాలు జరుగుతున్నా ఇంకా ఇలాంటి రిస్క్ తీసుకుంటూనే ఉన్నారు.. తాజాగా దేవ్ అనే డిటెక్టివ్ టీవీ సిరీస్ హీరో ఆశిష్ చౌదరి, అలాంటి ప్రమాదకరమైన స్టంట్నే చేశాడు.
సినిమాల్లో చూసే స్టంట్స్ అన్నీ హీరోలే చేస్తారు అన్న భ్రమలో ఉండేవాళ్ళు జనం.కానీ కొంత కొంతగా అసలు విషయాలు తెలిసాక "డూప్" స్టంట్ మాస్టర్ అనే పదాలు తెలిసాయి. తెరవెనుక ఉండే అసలైన హీరోలు బయటికి వచ్చారు. ఎన్నో సంధర్బాలలో రిస్కీ షాట్లు చేస్తూ ఈ డూప్ లు మరణించిన సందర్భాలు అనేకం ఉన్నాయి. ఇటీవలి కాలంలో సన్నివేశాలు వాస్తవికంగా కనిపించేందుకు డూప్లు లేకుండా, సరైన భద్రతా చర్యలు లేకుండా యాక్షన్ సన్నివేశాలను చిత్రీకరిస్తున్నారు.
మస్తిన గుడి
అలా చేసిన సమయం లోనే మస్తిన గుడి అనే కన్నడ సినిమా షూటింగ్ లో నదిలో పడి కన్నడ స్టంట్ మాస్టర్లు ఇద్దరు మరణించిన సంగతి తెలిసిందే. ఇలాంటి ఘటనలు జరుగుతున్నా ఇంకా ఇలాంటి రిస్క్ తీసుకుంటూనే ఉన్నారు.. తాజాగా దేవ్ అనే డిటెక్టివ్ టీవీ సిరీస్ హీరో ఆశిష్ చౌదరి, అలాంటి ప్రమాదకరమైన స్టంట్నే చేశాడు.
ఎలాంటి జాగ్రత్తలూ తీసుకోకుండా
ఒక టీవీ సిరీస్కు సంబంధించిన షూటింగ్ ప్రస్తుతం ముంబైలో జరుగుతోంది. ఈ షూటింగ్ లో భాగంగానే 21 అంతస్తుల భవనంపై ఓ ప్రమాదకర స్టంట్ను చేశాడు ఆశిష్. చూసిన వాళ్ళ ఒళ్ళు గగుర్పొడిచేలా ఎలాంటి జాగ్రత్తలూ తీసుకోకుండా 21వ అంతస్తు నుంచి సొంతంగా పైప్లైన్ను పట్టుకుని వేలాడే స్టంట్ చేశాడు.
స్వల్పంగా గాయపడ్డాడు
అయితే ఇదే మొదటిసారి కాదు. అంతకుముందు కూడా అలాంటి ఓ స్టంట్నే చేసిన ఆశిష్, స్వల్పంగా గాయపడ్డాడు. ఈ నేపథ్యంలో యూనిట్ వారించినా వినిపించుకోకుండా పట్టుబట్టి ఆ స్టంట్ను స్వయంగా చేశాడు. దీని గురించి స్వయంగా అతడు వెల్లడించాడు. దానికి సంబంధించిన ఓ వీడియోను ఇన్స్టాగ్రామ్ పేజీలో పోస్ట్ చేశాడు.
21వ అంతస్తు నుంచి వేలాడుతూ
"5 నిముషాల సన్నివేశం కోసం 4 గంటల పాటు ఎలాంటి జాగ్రత్తలు తీసుకోకుండా 21వ అంతస్తు నుంచి అలాగే వేలాడుతూ ఉండిపోయాను" అని చెప్పాడు ఆశిష్. అయితే ఇంత సాహసం చేసినందుకు అంతా ఆయన్ని మెచ్చుకుంటారు అనుకున్నాడేమో కానీ ఇప్పటికే జరిగిన విషాదాన్ని మర్చిపోని జనం మాత్రం. ఆ ప్రాణాంతక మైన ఫీట్ చేసినందుకు చీవాట్లు పెడుతున్నారు.