రూటు మార్చిన అశ్వనీదత్

By Staff

Published: Friday, February 27, 2009, 11:59 [IST]

ప్రముఖ నిర్మాత అశ్వనీదత్ ఈ సారి రూటు మార్చి ఓ పెద్ద రాజకీయ నాయకుడు కుమారుడుని హీరోగా చేయటానికి సన్నాహాలు చేస్తున్నట్లు సమాచారం. ఆ పొలిటీషియన్...అశ్వనీదత్ కి చాలా ఆప్తుడని చెప్తున్నారు. నా కొడుకుని నువ్వే హీరోని చేసి నిలబెట్టాలని ఆయన మాట తీసుకున్నాడని తెలుస్తోంది. గతంలో అశ్వనీదత్ చాలా మంది తెలుగు వారస హీరోలను విజయవంతంగా లాంచింగ్ చేసిన అనుభవంతో ఈ ప్రయత్నం చేస్తున్నారని తెలుస్తోంది. ఇక ఈ చిత్రానికి దంతులూరి చైతన్య అనే నూతన దర్శకుడు డైరక్ట్ చేయనున్నాడు. చైతన్య ప్రస్తుతం హ్యాపీడేస్ నికిల్ హీరోగా బసంతి అనే చిత్రాన్ని రూపొందిస్తున్నాడు.

అలాగే అశ్వనీదత్ చిత్రం అతి త్వరలోనే ప్రారంభం కానుంది. ఎలక్షన్స్ వచ్చే లోగా మొదలుపెట్టాలని ప్లాన్ చేస్తున్నారు. అశ్వనీదత్ ప్రస్తుతం తెలుగు దేశం పార్టీ ప్రచార కార్యక్రమాల్లో బిజీగా ఉన్నారు. ఇక ఈ చిత్రం వర్కవుట్ అయితే రాజకీయనాయకులు తాము సంపాదించిన సొమ్ముతో సినిమా ఫీల్డ్ లో తమ వారసులను దింపటానికి ప్లాన్ చేస్తారనటంలో సందేహం లేదు. హిందీలో మహారాష్ట్ర ముఖ్యమంత్రి విలాసరావ్ దేశముఖ్ కుమారుడు రితీష్ దేశ్ ముఖ్ ఇప్పటికే హీరోగా పలు సినిమాలు చేస్తున్నారు. తెలుగులో సినిమాల్లో క్లిక్ అయ్యాక, రాజకీయాల్లోకి వెళ్ళటం ఆనవాయితీగా వస్తోంది. అది మారే సమయం ఆసన్నమయిందన్నమాట.

More from Filmibeat