అసిన్ అసలు విషయం

By Staff

Published: Thursday, March 5, 2026, 23:03 [IST]

తమిళ, తెలుగు సినిమాలలో ఎడాపెడా నటించేస్తూ బిజీగా ఉన్న అసిన్ హఠాత్తుగా వెనుకపడిపోయింది. ప్రస్తుతం ఆమె చేతిలో ఒక్క సినిమా కూడా లేదు. ఆఫర్లు రాక వెనుక పడి పోయిందా అంటే అదీ కాదు. తాజాగా తమిళ హీరో విజయ్ సరసన చేయటానికి వచ్చిన ఓ మెగా ప్రాజెక్టును సైతం త్రిప్పికొట్టింది. దాంతో ఆమె గురించి ఆలోచించే నిర్మాతలు తగ్గిపోతున్నారు. ఆమె ఎందుకలా బిహేవ్ చేస్తోంది. అందరిలా పెళ్ళి చేసుకుని సెటిల్ అవ్వబోతోందా అంటే అలాంటిదేం లేదట. మరి ఏమిటి ఈ వింత ప్రవర్తన...నట సన్యాసం పుచ్చుకోబోతుందా అన్న సందేహాలు అందరిలో కలుగుతున్నాయి.

మరేంటి అసలు విషయం ...అని ఎంక్వైరీ చేస్తే అసిన్ సినిమాలు ఒప్పుకోక పోవటానికి అసలు కారణం బయట పడింది. ఈ మధ్య ఆమె హిందీ గజనీ లో అమీర్ ఖాన్ సరసన తాను ఒరిజనల్ లో చేసిన పాత్రనే చేస్తోంది. అంతేగాక కమల్ దశావతారంలోను హీరోయిన్ గా చేసింది. ఈ రెండు త్వరలో రిలీజవుతాయి. దాంతో అవి హిట్టయి బాలీవుడ్, కోలీవుడ్ లలో నెంబర్ వన్ హీరోయిన్ అవుతానని ఆమె ప్రగాఢంగా నమ్ముతోంది. ఆ ఇమేజితో తెలుగు, తమిళ, మళయాళ భాషల్లో ఇక వరస సినిమాలకు గుడ్ బై చెప్పాలనే ఆలోచనలో ఉంది. ప్రాధాన్యత ఉన్న పాత్రలను పెద్ద ఎమౌంట్ కి చెయ్యచ్చని ఆశ పడుతోంది. ఈలోగా యే సినిమా అన్నా కమిట్ అయితే అన్ని రకాలుగా నష్టపోతానని అనుకుంటోంది. ఆలోచన, అవగాహన మంచిదే కాని యే సినిమా హిట్టవుతుందో ఎవరికి ఎరుక...రిలీజయ్యాక సీన్ రివర్స్ అయితే పరిస్థితి యేంటి అని కొందరు వాదిస్తున్నారు.

More from Filmibeat