అసిస్టెంట్ డైరెక్టర్‌కి కత్తి పోట్లు

By Bojja Kumar

| Published: Monday, March 25, 2013, 10:52 [IST]

హైదరాబాద్: పలు తెలుగు సినిమాలకు అసిస్టెంట్ డైరెక్టర్ గా పని చేసిన వ్యక్తిపై హత్యాప్రయత్నం జరిగింది. ఉదయ్ భాస్కర్ అనే అసిస్టెంట్ డైరెక్టర్ బైక్ పై వెలుతూ నాచారం వద్ద రోడ్డు పక్కన ఆగి ఫోన్ మాట్లాడుతుండగా నలుగురు వ్యక్తులు అతన్ని చుట్టు ముట్టి అతని కడుపులో నాలుగు సార్లు కత్తితో పొడిచి పారి పోయారు. ఈ నెల 23న ఈ సంఘటన చోటు చేసుకుంది.

గాయపడ్డ ఉదయ్ వెంటనే అతని స్నేహితులకు ఫోన్ చేయడంతో వారు వెంటనే అక్కడికి చేరుకుని సమీపంలోని ఆసుపత్రికి తరలించారు. ప్రస్తుతం అతని ఆరోగ్య పరిస్థితి నిలకడగా ఉందని వైద్యులు తెలిపారు. వ్యక్తిగత కక్షల కారణంగానే ఉదయ భాస్కర్ పై దాడి జరిగినట్లు తెలుస్తోంది.

ఈ సంఘటనపై పోలీసులు కేసు నమోదు చేసుకుని దర్యాప్తు ప్రారంభించారు. దాడికి పాల్పడింది ఎవరు? అనే విషయాలపై ఆరా తీస్తున్నారు. సంఘటన స్థలంలో ఉన్న పలువురిని ఈ విషయమై అడిగినట్లు తెలుస్తోంది. ఉదయ్ భాస్కర్ కు శత్రువులు ఎవరైనా ఉన్నారా? అనే కోణంలో కూడా దర్యాప్తు జరుపుతున్నారు.

Comments

English summary

Assistant director Uday Bhaskar was stabbed by four assailants in Nacharam on Saturday. Nacharam inspector S Ashok Kumar said Uday Bhaskar had stopped his bike on the road to attend the call of nature, when four persons surrounded him and stabbed him four times in the stomach before escaping.

Story first published: Monday, March 25, 2013, 10:52 [IST]

Other articles published on Mar 25, 2013