తాత నుండి మనవడు దాకా...

"నాకు తెలిసిన వృత్తి సినిమా నిర్మాణం ఒక్కటే. వేరే వ్యాపారాలు యేమి తెలియవు. సినిమాలు చేయటంలోనే నాకు ఆనందం కలుగుతుంది. అందుకే రోజుకు 19 గంటలు సినిమా ప్రపంచంలో మునిగితేలతాను" అంటున్నారు తెలుగు సినిమా సగర్వంగా చెప్పుకునే సీనియర్ నిర్మాతలలో ఒకరైన వైజయంతీ మూవీస్ అశ్వనీదత్. దాదాపు పెద్ద హీరోలందరితో సినిమాలు తీసిన ఆయన తాజాగా ఎన్టిఆర్ తో 'కంత్రి' తీసారు. ఈ సినిమాకిడివైడ్ టాక్ ఉన్నా కలెక్షన్స్ కి మాత్రం కరువులేదు. ఈ సందర్భంగా పెద్ద ఎన్టిఆర్ నుండి జూనియర్ ఎన్టిఆర్ దాకా ముప్పై మూడేళ్ళ తన సినిమా కెరీర్ ఆగకుండా సాగిపోవటాన్ని సమీక్షించుకున్నారు.

ఆయన తొలిచిత్రం ఎన్టిఆర్ హీరోగా చేసిన 'ఎదురు లేని మనిషి' (1975 ) .అప్పటినుంచి వెనుతిరగకుండా ఎన్నో మెగా హిట్లు ఇచ్చారు. ఎదురు దెబ్బలూ తిన్నారు. అయినా కష్టపడి తమ బ్యానర్ నుండి వచ్చే సినిమాలు మినిమం గ్యారెంటి వినోదాన్నిస్తారని నిరాశపరచదనే ఖ్యాతి సంపాదించుకున్నారు. అలాగే ఇప్పుడు 'కంత్రి' తో ఆయన మరో మెట్టు ఎక్కినట్లు భావిస్తున్నారు. తాత..మనుమడు తో సినిమా చేసిన ఘనత సాధించుకున్నాను అన్న ఆనందంలో ఉన్నారాయన. యోమో భవిష్యత్తులో బాలకృష్ణ కుమారుడు తోనూ సినిమా తీసి మరో క్రెడిట్ సంపాదించుకుంటేరేమో...