ఫిల్మ్‌నగర్లో సినిమా నటిపై అత్యాచారయత్నం

By Bojja Kumar

| Updated: Friday, November 15, 2013, 18:52 [IST]

హైదరాబాద్: తెలుగు సినిమా నటిపై హత్యాచారయత్నం చేసిన ఘటన తాజాగా హైదరాబాద్ జూబ్లీహిల్స్ ఫిల్మ్‌నగర్ సమీపంలోని రహమత్‌నగర్ సమీపంలో శుక్రవారం వెలుగు చూసింది. తెలుగు సినిమాల్లో నటించే ఓ జూనియర్ ఆర్టిస్టుపై సెట్టింగ్ అసిస్టెంట్ సురేష్ అత్యాచార యత్నానికి పాల్పడ్డాడు.

ఈ ఘటనపై బాధితురాలు జూబ్లీహిల్స్‌ పోలీస్ స్టేషన్‌లో ఫిర్యాదు చేసింది. బాధితురాలి ఫిర్యాదు స్వీకరించిన పోలీసులు నిందితుడిపై నిర్భయ చట్టంపై కేసు నమోదు చేసారు. ఈ సంఘటనలో జూనియర్ ఆర్టిస్టుకు గాయాలయ్యాయని తెలుస్తోంది. ప్రస్తుతం ఈమె ఆసుపత్రిలో చికిత్స పొందుతున్నట్లు సమాచారం.

మద్యం మత్తులో సురేష్ ఈ చర్యకుల పాల్పడ్డాడు. ప్రస్తుతం సురేష్ పోలీసు అదుపులో ఉన్నాడు. నటిపై అత్యాచారయత్నం చేయగా ఆమె వెంటనే తప్పించుకుని పోలీసులకు ఫిర్యాదు చేసింది. మరో వివాహితతో కూడా సురేష్ అసభ్యంగా ప్రవర్తించినట్లు సమాచారం.