Don't Miss!
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
అందుకే.. పెద్ద హీరోలతో పెట్టుకోను!, అలా తెలిసొచ్చింది: అవసరాల శ్రీనివాస్..
బుర్రలో సినిమా ఆలోచనలు మొదలయ్యాయంటే చాలా కష్టం. చేస్తున్న పని మీద దృష్టి పెట్టలేము.. అలా అని కెరీర్ రిస్కులో పెట్టి ఇండస్ట్రీలో ట్రయల్స్కు సిద్దమైపోలేం!.. ఈ ఊగిసలాటను దాటుకుని లక్ష్యాన్ని చేరుకునేవాళ్లు అతికొద్ది మంది మాత్రమే ఉంటారు.
నటుడిగా-దర్శకుడిగా కెరీర్ను బ్యాలెన్స్ చేసుకుంటున్న అవసరాల శ్రీనివాస్.. ఒకప్పుడు ఇలాంటి ఊగిసలాటనే దాటుకుని సినిమాల్లోకి వచ్చారు. మెకానికల్ ఇంజనీరింగ్ చదివిన ఆయన సినిమాలపై మక్కువతో ఇటువైపు వచ్చారు. నటుడిగాను, దర్శకుడిగానూ రాణిస్తున్నారు.
నటుడిగా తన తాజా చిత్రం 'ఒక్క క్షణం' డిసెంబర్ 23న విడుదల సందర్భంగా అవసరాల చెప్పిన పలు విశేషాలు మీకోసం ఆయన మాటల్లోనే..
ఒక్క క్షణంలో మీ పాత్ర?:
సినిమాలో నా పాత్ర పేరు శ్రీనివాస్. నా జీవితంలో జరిగే కొన్ని సంఘటనలు.. హీరో శిరీష్ జీవితంలోనూ జరుగుతుంటాయి. అలా జరుగుతుందని నాకు ముందే తెలిసిపోతుంటుంది. ఇలా ఓ వ్యక్తి జీవితం.. మరో వ్యక్తి జీవితానికి ఎలా దగ్గరగా ఉంటుందన్న పాయింట్ని దర్శకుడు చాలా కొత్తగా చెప్పారు.
అది స్ఫూర్తిగా తీసుకున్నాడేమో!
గతంలో ఒక వార్త చదివాను.. ఓ వ్యక్తి కారణంగా ఇద్దరూ అన్నదమ్ములు రోడ్డు ప్రమాదంలో దుర్మరణం చెందారు. అయితే ఇది ఒకే ప్రమాదం కాదు. రెండు వేర్వేరు ఘటనలు. కారకుడు మాత్రం ఒకరే.
ఏడాది వ్యవధిలోనే ఆ ఇద్దరు అన్నదమ్ములు ఒకే వ్యక్తి కారణంగా రోడ్డు ప్రమాదంలో దుర్మరణం చెందారు. బహుశా దర్శకుడు ఆనంద్ కూడా ఆ ఆంశాన్ని స్ఫూర్తిగా తీసుకుని ఈ కథ రాసుకున్నాడేమో.
దర్శకత్వం ఎంతదాకా?:
కథలు త్వరత్వరగా రాసేసుకుని సెట్స్ పైకి వెళ్లడం నాకు చేత కాదు. నా ప్రయాణం నింపాదిగానే ఉంటుంది. అదే ఇష్టం. అందుకే రెండో సినిమా డైరెక్షన్ చేయడానికి రెండేళ్లు టైం తీసుకున్నాను.
ఇలా డైరెక్టర్ అయ్యాను:
నిజానికి యాక్టర్ అవుదామనే ఇండస్ట్రీకి వచ్చాను. అన్నపూర్ణ ఇంటర్నేషనల్ స్కూల్ డీన్ బాల శేఖర్ నాకు మంచి మిత్రుడు. అమెరికా నుంచి వచ్చేశాక తనతో కలిసి ట్రావెల్ చేశా.
నా కథల్ని శేఖర్కు వినిపించేవాడిని. అదే క్రమంలో ఆయన తెరకెక్కించిన 'బ్లైండ్ యాంబిషన్' అనే ఇంగ్లీష్ సినిమాకు అసిస్టెంట్ డైరెక్టర్గా పనిచేశాను. ఓ సినిమాకి గోస్ట్ రైటర్ గానూ పనిచేశా. సాయికొర్రపాటి గారు అవకాశం ఇవ్వడంతో 'ఊహలు గుసగుసలాడే'తో దర్శకుడినయ్యాను.
నటన-దర్శకత్వం.. ఎలా బ్యాలెన్స్?:
అన్నీ ప్లాన్ ప్రకారమే చేస్తుంటా. నటిస్తున్నప్పుడు దర్శకత్వానికి ఎలా బ్రేక్ ఇచ్చానో, దర్శకత్వ బాధ్యతల్లో ఉన్నప్పుడు నటనకు బ్రేక్ ఇస్తా. నా నిర్మాతలకు నా నుంచి ఎలాంటి ఇబ్బందులు ఉండవు.
మీ దర్శకత్వంలో.. తర్వాతి సినిమా?:
ప్రేమ కథా నేపథ్యంలో నా మూడో సినిమా ఉంటుంది. విభిన్నంగా ఉంటుంది. ఫిబ్రవరి నుంచి ఆ సినిమా సెట్స్కి వెళుతుంది. ఈలోగా నటుడిగా కమిట్ అయిన సినిమాలు పూర్తవుతాయి. చాలావరకు నా సినిమాలను నా కథలతోనే తెరకెక్కిస్తా. వేరే వాళ్ల కథతో నేను కనెక్ట్ అవడం.. దాన్ని ఆడియెన్స్ కు కనెక్ట్ చేయడం కాస్త కష్టమే. నా మూడో సినిమా కూడా నా కథతోనే తీస్తున్నాను.
పెద్ద హీరోలతో పెట్టుకోవట్లేదు:
పెద్ద హీరోలతో సినిమాలంటే అంత ఈజీ కాదు. కథ చెప్పాక.. వారి సలహాలు-సూచనల మేరకు మార్పులు చేయాల్సి ఉంటుంది. డేట్లు కూడా సరిగా అడ్జస్ట్ అవవు. అలాంటి పరిస్థితుల్లో సినిమా చేయడం నాకు కష్టం.
నిజానికి నా తొలి సినిమా 'ఊహలు గుసగుసలాడే' కన్నా ముందు ఓ ఆర్ట్ సినిమా చేద్దామనుకున్నా. ఓ పెద్ద హీరోను కలిసి కథ చెబితే.. మార్పులు చేయమన్నాడు. నేనందుకు ఒప్పుకోలేదు. ఈ తరహా సమస్యలు ఉంటాయనే పెద్ద హీరోలతో చేయాలని ఆలోచించట్లేదు.