హోమ్

న్యూస్

హైదరాబాద్: అది పెద్ద ఇత్తడి చెంబండీ బాబు అంటున్నాడు సప్తగిరి..ఎవరిని ఉద్దేశించి అంటే అవికాగోర్ ని...ఎందుకలా అంటే సినిమా ‘లక్ష్మీ రావే మా ఇంటికి' చూడాల్సిందే... ఈ చిత్రం ట్రైలర్ విడుదల చేసారు. డీసెంట్ గా, మంచి డైలాగులతో ఈ ట్రైలర్ ఇప్పుడు అందరినీ ఆకట్టుకుంటోంది. అమ్మాయి తండ్రిని కన్వీన్స్ చేసే పాత్రలో నాగ శౌర్య కనిపించనున్నారు. ఎంగేజ్ మెంట్ అయిన అమ్మాయి తో ప్రేమలో పడి ఆమె తండ్రిని ఎలా కన్వీన్స్ చేసాడనే కథ అనిపిస్తోంది. ఈ ట్రైలర్ చూస్తూంటే..మీకూ అలాగే అనిపిస్తుందేమో చూడండి...

నాగశౌర్య, అవికా గోరే హీరోహీరోయిన్లుగా గిరిధర్‌ ప్రొడక్షన్‌ హౌస్‌ నిర్మిస్తున్న ‘లక్ష్మీ రావే మా ఇంటికి' . నిర్మాణానంతర కార్యక్రమాలు తుదిదశకు చేరుకొన్నాయి. పాత్రలకు తగిన నటీనటుల్ని ఎన్నుకోవడంతో చిత్రం బాగా వచ్చింది. కె.ఎం.రాధాకృష్ణన్‌ సంగీత సారథ్యంలో రూపుదిద్దుకొన్న పాటలు వీనుల విందుగా ఉంటాయి. ఆడియోతో పాటు సినిమా కూడా హిట్‌ అవుతుందని నమ్మకం ఉంది

ఈ సినిమాతో దర్శకునిగా పరిచయమవుతున్న నంద్యాల రవి మాట్లాడుతూ ‘లవ్‌, ఫ్యామిలీ ఎంటర్‌టైనర్‌ సినిమా రూపుదిద్దుకొంది' అని తెలిపారు.

నిర్మాత గిరిధర్ మాట్లాడుతూ- ఓ మంచి కథాంశంతో సినిమా రూపొందించాలన్న తన కోరిక ఈ చిత్రంతో నెరవేరుతుందని, దర్శకుడు రవి మంచి కథ చెప్పడంతో మొదలెట్టామని, అవికాగోర్ హీరోయిన్ గా నటిస్తుండడంతో ఈ చిత్రానికి మరింత అందం వచ్చిందని తెలిపారు. ‘ఇడియట్'లో రవితేజకు వచ్చినంత పేరు కథానాయకుడు శౌర్యకు ఈ చిత్రం ద్వారా వస్తుందని, ఆయన అన్నారు.

కుటుంబమంతా కలిసి చూసే విధంగా ఈ చిత్రాన్ని లవ్ ఎంటర్‌టైనర్‌గా అందిస్తున్నామని, మంచి టీమ్ కుదరడంతో సినిమా కూడా బాగా వస్తుందన్న నమ్మకం ఉందని దర్శకుడు నంద్యాల రవి తెలిపారు.

ఈ సినిమాలో తన పాత్ర గూర్చి తెలియగానే ఆ పాత్రతోనే తాను ప్రయాణిస్తున్నానని, అంతగా నచ్చిన ఈ పాత్ర సినిమా అందరికీ నచ్చుతుందన్న ఆశాభావం హీరోయిన్ అవికాగోర్ వ్యక్తం చేసింది.

షాయాజీషిండే, అలీ, సత్యం రాజేశ్‌, రావు రమేశ్‌, అనితా చౌదరి, ప్రగతి, భగవాన్‌, శశి తదితరులు నటించిన ఈ చిత్రానికి ఛాయాగ్రహణం: బాలరెడ్డి, ఎగ్జిక్యూటివ్‌ నిర్మాత: కుంపట్ల రాంబాబు, సమర్పణ: తాడిశెట్టి వెంకట్రావు, కథ, మాటలు, స్ర్కీన్‌ప్లే, దర్శకత్వం: నంద్యాల రవి.