లక్కీ గై వరుణ్‌ సందేశ్

By Staff

| Published: Saturday, May 3, 2008, 14:14 [IST]

'హ్యాపీడేస్' తో పరిచయం అయి పాపులర్ అయిన వరుణ్‌ సందేశ్ ని అందరూ లక్కీ బోయ్ అంటున్నారు. ఆ సినిమా సూపర్ హిట్టవటంతో ఆఫర్లు ఆగకుండా వస్తున్నాయి. సిద్దార్ధ పోలికలతో ఉండే ఈ కుర్రాడు దిల్ రాజు తీస్తున్న ఫ్రెష్ లవ్ స్టోరి 'కొత్త బంగారులోకం' లో హీరోగా ఛాన్స్ కొట్టేసాడు . ఇప్పుడు మరో అద్భుతమైన అవకాశం సంపాదించాడు. ప్రముఖ నిర్మాణ సంస్థ ఏవీయం కొంత విరామం తర్వాత తాజాగా తెలుగులో ఓ చిత్రాన్ని నిర్మిస్తోంది. దాన్లో హీరోగా వరుణ్‌ సందేశ్‌ ని ఎంపికచేసారు.

విమలారామన్‌ హీరోయిన్ గా నిర్మితమవుతున్న ఈ చిత్రం ద్వారా మార్తాండ్‌ కె. శంకర్‌ దర్శకునిగా పరిచయమవుతున్నారు. ఫ్యామిలీ ఎంటర్‌టైన్‌మెంట్‌తో ప్రేమ నేపథ్యంతో నడిచే ఈ చిత్రం షూటింగ్‌ హైదరాబాద్ లో మొదలైంది. ఈ చిత్రానికి మాటలు: టి. రాజసింహ, పాటలు: భాస్కరభట్ల, సంగీతం: మణిశర్మ, ఫైట్స్‌: రామ్‌ లక్ష్మణ్‌, సినిమాటోగ్రఫీ: వేణు గోపాలన్‌; ఎగ్జిక్యూటివ్‌ ప్రొడ్యూసర్స్‌: సి.హెచ్‌. పుల్లారావు, కె.యస్‌. వివేకానంద, నిర్మాతలు: ఎం. శరవణన్‌, ఎం.ఎస్‌. గుహన్‌, కథ, స్క్రీన్‌ప్లే, దర్శకత్వం: మార్తాండ్‌ కె. శంకర్‌. ఎన్నో హిట్ చిత్రలును అందించిన ఏవీయం సంస్థలో ఎంపికవటం అతని కెరీర్ కి చాలా ప్లస్ అవుతుందని పరిశ్రమ వర్గాలు భావిస్తున్నాయి.