హోమ్

న్యూస్

రావణాసురుడి దుమ్ముదులపడానికి కోతిమూక సహాయంతో రాముడు చేసే నిఖార్సయిన యుద్ధమే ఈ 'కోతిమూక' ఇతివృత్తం అంటున్నారు ఏవీయస్. ఆయన చిరకాల విరామం తర్వాత మళ్ళీ మెగా ఫోన్ పట్టుకుని 'కోతిమూక' చిత్రాన్ని డైరక్ట్ చేస్తున్నారు. కృష్ణుడు, శ్రద్ధా ఆర్య జంటగా రూపొందుతున్న చిత్రం షూటింగ్ అన్నపూర్ణ స్టూడియోస్‌లో ప్రారంభమైంది. ఈ చిత్రం గురించి ఆయన మాట్లాడుతూ..రెండున్నర గంటలపాటు పూర్తి వినోదాన్ని అందించే చిత్రంగా దీన్ని తీస్తున్నాం. 24 నుంచి 55 రోజుల పాటు జరిపే సింగిల్ షెడ్యూలుతో సినిమాని పూర్తిచేస్తాం'' అని చెప్పారు. అలాగే సక్సెస్సే ధ్యేయంగా ఈ చిత్రానికి దర్శకత్వం వహిస్తున్నాను..ఇదివరకు నేను రూపొందించిన మూడు సినిమాలు దరశకుడిగా సంతృప్తినిచ్చినా, కమర్షియల్‌గా సక్సెస్ కాలేదు అన్నారు. 'బందిపోటు' చిత్రంలో ఆరుద్ర రాసిన 'ఊహలు గుసగుసలాడే..' పాటని ఇందులో రీమిక్స్ చేస్తున్నామని తెలిపారు.