యూఎస్‌లో అ! కలెక్షన్ల హవా.. బాక్సాఫీస్ వద్ద హంగామా.. తెలుగు రాష్ట్రాల్లో..

Recommended Video

అ! సినిమా రివ్యూ అండ్ రేటింగ్

యూఎస్ బాక్సాఫీస్ వద్ద

భారీ అంచనాలతో ప్రేక్షకుల ముందుకు వచ్చిన అ! చిత్రం ఓవర్సీస్‌లో మంచి వసూళ్లను రాబడుతున్నది. అమెరికాలో ఈ చిత్రం హాఫ్ మిలియన్ దిశగా దూసుకెళ్తున్నది. యూఎస్ బాక్సాఫీస్ వద్ద ఈ చిత్రం 21వ స్థానంలో నిలువడం సినిమా స్టామినాకు అద్దం పట్టింది.

మిశ్రమ స్పందన

అమెరికాలో అ! చిత్రం ప్రీమియర్ ప్రదర్శనకు మంచి స్పందన లభించింది. గురువారం ఈ చిత్రం 126851 డాలర్లను వసూలు చేసింది. శుక్రవారం 140629 డాలర్లను కలెక్ట్ చేసింది.

ప్రపంచవ్యాప్తంగా కలెక్షన్లు

అ! చిత్రం ప్రపంచవ్యాప్తంగా 3.6 కోట్ల గ్రాస్ వసూళ్లను, 1.7 కోట్ల నికర కలెక్షన్లను సాధించింది. ఈ చిత్రం సుమారు 6 కోట్ల రూపాయలతో నానీ రూపొందించిన సంగతి తెలిసిందే.

తెలుగు రాష్ట్రాల్లో

తెలుగు రాష్ట్రాల్లో ఈ చిత్రం 1.5 కోట్ల గ్రాస్, 90 లక్షల షేర్‌ను సాధించింది. ఇక ప్రాంతాల వారీ పరిశీలిస్తే...నైజాంలో 38 లక్షల షేర్, వైజాగ్‌లో 11 లక్షలు, తూర్పు గోదావరిలో 7 లక్షలు, పశ్చిమ గోదావరిలో 6 లక్షలు, కృష్ణా జిల్లాలో 9 లక్షలు, గుంటూరులో 8. నెల్లూరులో 2 లక్షలు సాధించింది.

మల్టీప్లెక్స్‌లో జోరు

విభిన్నమైన కాన్సెప్ట్‌తో రూపొందిన అ! చిత్రం ఓ వర్గం ప్రేక్షకులను విపరీతంగా ఆకట్టుకొంటున్నది. మల్టీప్లెక్స్, అర్బన్ ఆడియెన్స్‌ ఈ చిత్రాన్నిబాగా ఆదరిస్తున్నారు. బీ, సీ సెంటర్లలో ప్రేక్షకులు పెద్దగా ఆసక్తి చూపడం లేదనే వార్తలు అందుతున్నాయి.