హోమ్

న్యూస్

హైదరాబాద్: 'బాహుబలి' నిర్మాతల ఇళ్లపై ఐటీశాఖ ఆకస్మిక దాడులకు పాల్పడింది. ఏకకాలంలో నిర్మాతలు శోభుయార్లగడ్డ, ప్రసాద్ ఇళ్లపై రైడ్స్ నిర్వహించి సోదాలు నిర్వహించిన సంగతి తెలిసిందే. బ్లాక్ మనీ అనుమానాలతోనే ఈ దాడులు నిర్వహించినట్లు వార్తలు ప్రచారం జరిగింది. ఈ విషయమై బాహుబలి నిర్మాతల నుంచి ఏ విధమైన అఫీషియల్ ప్రకటన రాలేదు. అయితే ఈ చిత్రం రచయిత విజియేంద్రప్రసాద్ మాత్రం ఈ రైడ్స్ విషయమై మీడియా తో మాట్లాడారు.

విజయేంద్రప్రసాద్ మాట్లాడుతూ.. ఈ ఐటీ రైడ్ అనేది తమ బాహుబలి చిత్రం షూటింగ్ పై ఏ విధమైన ప్రబావం చూపించలేదన్నారు. ఓ ప్రక్కన రైడింగ్ జరుగుతున్నా మరో ప్రక్కన షూటింగ్ శుక్రవారం షూటింగ్ జరుగుతూనే ఉంది. అందుకు కారణం ఈ రోజున ప్రతీ చిత్రం షూటింగ్ ..కు సంభందించిన ట్రాన్సిక్షన్స్ మొత్తం చెక్ ల ద్వారానే అఫీషియల్ గా జరగటమే అని చెప్పారు. నేను కూడా బాహుబలి, బాహుబలి సీక్వెల్ కు సంభందించిన ఫైనాన్సియల్ వ్యవహారాలు మొత్తం చెప్పగలను. అంత పారదర్శకత ఉంది అన్నారు. షూటింగ్ లో ఎక్కడా క్యాష్ పేమెంట్ అనేది జరగటం లేదని తెలియచేసారు.

బాహుబలి షెడ్యూలు గురించి చెప్తూ... మేము డిసెంబర్ కల్లా బాహుబలి సీక్వెల్ షూటింగ్ పూర్తి చేసి, పోస్ట్ ప్రొడక్షన్ బిగిన్ చేస్తాం. ఇక ఎక్సపెక్టేషన్స్ కు మేమేమీ కంగారుపడటం లేదు. ఎందుకంటే బాహుబలి సీక్వెల్ అనేది ఇప్పటి ఆలోచన కాదు. బాహుబలి షూటింగ్ కు ముందు ఆలోచన. అంతేతప్ప బాహుబలి హిట్టయ్యాక సీక్వెల్ ప్లాన్ చేయలేదు. మొదటి సినిమాతో పాటే రెండో పార్ట్ కు సంభందించిన స్క్రిప్టు కూడా పూర్తి చేసాం అన్నారు.

అలాగే తాను అప్పడప్పుడూ షూటింగ్ లొకేషన్ కు వెళ్తానని చెప్తూ... ఏమమ్మా చిన్న చిన్న మార్పులు అవసరమైనప్పుడు షూటింగ్ లొకేషన్ కు వెల్తూంటాను. బాహుబలి అనేది టీమ్ అందరి సమిష్టి కృషి. అలాగే హీరో ప్రభాస్ కు బాహుబలి తర్వాత ఎన్ని ఆకర్షణీయమైన ఆఫర్స్ వచ్చినా కూడా ..మూడేళ్లు ఈ సినిమాకే కమిటయ్యి..ఏ సినిమా ఒప్పుకోకుండా పనిచేసారు అంటూ మెచ్చుకున్నారు ఆయన.