twitter
    For Quick Alerts
    ALLOW NOTIFICATIONS  
    For Daily Alerts

    7వేల స్కీన్లతో చైనా బాక్సాఫీసుపై ‘బాహుబలి-2’ దండయాత్ర, టార్గెట్ రూ. 2500 కోట్లు...

    By Bojja Kumar
    |

    Recommended Video

    Bahubali Had Huge Collections in china To

    ప్రభాస్ హీరోగా రాజమౌళి దర్శకత్వంలో తెరకెక్కిన 'బాహుబలి-ది కంక్లూజన్' ఇండియన్ సినిమా చరిత్రలో అత్యంత ముఖ్యమైన సినిమాగా నిలిచిపోయింది. ఫిల్మ్ మేకింగ్‌లో సరికొత్త బెంచ్ మార్క్ ను క్రియేట్ చేయడమే కాకుండా... భారతీయ సినిమాకు సంబంధించిన దాదాపు అన్ని రికార్డులను బద్దలు కొడుతూ ఇటు దేశీయ బాక్సాఫీసు వద్ద, అటు ఓవర్సీస్ బక్సాఫీసు వద్ద సంచలన వసూళ్లు నమోదు చేసింది.

    7000లకుపైగా స్క్రీన్లలో చైనా రిలీజ్

    7000లకుపైగా స్క్రీన్లలో చైనా రిలీజ్

    ఈ సెన్సేషనల్ చిత్రం ఇప్పటి వరకు ఇండియాతో పాటు చాలా దేశాల్లో విడుదలైంది కానీ... చైనాలో విడుదల కాలేదు. ఎట్టకేలకు మే 4న చైనాలో విడుదల చేస్తున్నారు. ఈ మూవీపై చైనాలో భారీ అంచనాలు ఉన్నాయి. ఈ నేపథ్యంలో చైనా ఎగ్జిబిటర్లు దీన్ని ఆ దేశంలో కనీవినీ ఎరుగని రీతిలో విడుదల చేస్తున్నారు. తాజాగా అందుతున్న సమాచారం ప్రకారం 7000 పైగా స్క్రీన్లలో ఈ చిత్రాన్ని అక్కడ విడుదల చేస్తున్నారట. ట్రేడ్ అనలిస్ట్ రమేష్ బాలా ఈ విషయాన్ని ఖరారు చేస్తూ ఓ ట్వీట్ చేశారు.

    చైనాలో భారీగా విడుదలైన చిత్రాలు

    చైనాలో భారీగా విడుదలైన చిత్రాలు

    7000 ప్లస్ స్క్రీన్లలో విడుదల కావడం ద్వారా రిలీజ్ విషయంలో ‘దంగల్' రికార్డును బాహుబలి-2 బీట్ చేసినట్లయింది. ఇంతకుముందు సల్మాన్ ఖాన్ మూవీ ‘బజరంగీ భాయిజాన్' చైనాలో 8000పైగా స్క్రీన్లలో విడుదలైంది. ఈ సినిమా తర్వాత చైనాలో అత్యధిక స్క్రీన్లలో విడుదలవుతున్న చిత్రం ‘బాహుబలి-2' మాత్రమే.

    టార్గెట్ రూ. 2500 కోట్లు

    టార్గెట్ రూ. 2500 కోట్లు

    కలెక్షన్స్ విషయంలో ఇప్పటి వరకు ‘దంగల్' మూవీ టాప్ పొజిషన్లో ఉంది. ఈ చిత్రం రూ. 2,122 కోట్లు వసూలు చేయగా.... ఇందులో దాదాపు రూ. 1300 కోట్ల కేవలం చైనాలోనే వసూలయ్యాయి. బాహుబలి-2 మూవీ చైనాలో విడుదల కాకుండానే రూ. 1,715 వసూలైంది. చైనా విడుదల తర్వాత బాహుబలి 2 టోటల్ కలెక్షన్ రూ. 2500 కోట్లు దాటుతుందని అంచనా వేస్తున్నారు.

    జపాన్‌లో 100 రోజుల పండగ

    జపాన్‌లో 100 రోజుల పండగ

    బాహుబలి మూవీ ఇటీవల జపాన్‌లో విడుదలకాగా 100 రోజులు పూర్తి చేసుకుని అక్కడ భారీ వసూళ్లు సాధించింది. జపాన్‌లో జరిగిన 100 రోజుల వేడుకకు రాజమౌళి కూడా హాజరైన సంగతి తెలిసిందే.

    English summary
    Prabhas‘ Baahubali 2: The Conclusion will be released in 7000 plus screens across the China country. Trade analyst and industry tracker – Ramesh Bala also confirmed this piece on information, as he posted on Twitter, “#Baahubali2 to open in 7,000+ Screens in #China on May 4th.”
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X